IND vs NZ : भारत विरुद्ध न्यूझीलंड सामन्यावर पावसाचं सावट! 2019 च्या जखमा झाल्या ओल्या
World Cup 2023 : वनडे वर्ल्डकप स्पर्धेत भारत आणि न्यूझीलंड यांच्यात महत्त्वाचा सामना होणार आहे. या सामन्यातील विजयी संघाचं उपांत्य फेरीचं तिकीट जवळपास निश्चित होणार आहे. त्यामुळे या सामन्याला महत्त्व आलं आहे. पण या सामन्यावर पावसाचं सावट असल्याने टेन्शन वाढलं आहे.
वनडे वर्ल्डकप स्पर्धेत भारत आणि न्यूझीलंड यांच्यात सामना होणार आहे. हा सामना धर्मशाळेतील हिमाचल प्रदेश क्रिकेट असोसिएशनवर होणार आहे. दोन्ही संघांनी या स्पर्धेत जबरदस्त कामगिरी केली आहे. त्यामुळे गुणतालिकेत टॉपसाठी ही लढत महत्त्वाची आहे.
1 / 8
भारत न्यूझीलंड सामन्यावर पावसाचं सावट आहे. त्यामुळे क्रीडाप्रेमींच्या जुन्या जखमा ताज्या झाल्या आहेत. कारण 2019 वर्ल्डकपच्या सामन्यात पावसाने हजेरी लावली होती. हा सामना भारताने 18 धावांनी गमावला होता. तर एमएस धोनीचा हा शेवटचा सामना होता.
2 / 8
2019 वर्ल्डकप स्पर्धेतील उपांत्य फेरीचा सामना राखीव दिवशी पूर्ण झाला होता. आता पुन्हा भारत न्यूझीलंड हे संघ आमनेसामने येणार आहेत. या सामन्यावर पावसाचं सावट आहे. धर्मशाळेत रविवारी पाऊस पडेल असा अंदाज आहे.
3 / 8
एमईटी विभागाच्या म्हणाण्यानुसार, दुपारी नाणेफेकीपर्यंत मेघगर्जनेसह पाऊस पडण्याची 43 टक्के शक्यता आहे. त्यामुळे नाणेफेकीला उशीर होऊ शकतो. दक्षिण आफ्रिका आणि नेदरलँड सामन्यातही असंच झालं होतं. त्यामुळे 43 षटकांचा सामना खेळवण्यात आला होता.
4 / 8
धर्मशाळेच्या एचपीसीए स्टेडियमवर ढगाळ वातावरण आहे. भारत आणि न्यूझीलंड सामन्याचा व्यत्यय आला तर राखीव दिवसाची तरतूद नाही. त्यामुळे सामना रद्द झाल्यास दोन्ही संघांना प्रत्येकी एक गुण मिळेल.
5 / 8
र्मशाळेतील खेळपट्टी गोलंदाजांना मदत करणारी आहे. त्यामुळे पहिल्या डावात 231 च्या आसपास धावा होऊ शकतात. पण हीच धावसंख्या गाठताना चांगलाच दम निघणार आहे. दुसरा डाव 199 पर्यंत आटपू शकतो. म्हणजेच धावांचा पाठलाग करणं महागात पडू शकतं.
6 / 8
टीम इंडिया: रोहित शर्मा (कर्णधार), हार्दिक पंड्या (उपकर्णधार), शुभमन गिल, विराट कोहली, श्रेयस अय्यर, केएल राहुल, रवींद्र जडेजा, शार्दुल ठाकूर, जसप्रीत बुमराह, मोहम्मद सिराज, कुलदीप यादव, मोहम्मद शम्मी, रविचंद्रन अश्विन. , इशान किशन, सूर्यकुमार यादव.
