India vs England 2nd Test, 3rd Day Highlights | भारताचा विजय दृष्टीक्षेपात, विजयासाठी 7 विकेट्सची आवश्यकता

तिसऱ्या दिवसाचा खेळ संपला

टीम इंडियाला विजयासाठी आणखी 7 विकेट्सची गरज आहे. भारताने इंग्लंडसमोर 482 धावांचे लक्ष्य ठेवले आहे. प्रत्युत्तरादाखल इंग्लंडने दुसर्‍या डावात 53 धावा करुन 3 विकेट्स गमावल्या आहेत. तिसर्‍या दिवशी अश्विनने इंग्लंडच्या दुसर्‍या डावात एक विकेट घेतला तर अक्षर पटेलने 2 बळी घेतले. कर्णधार जो रूट आणि लॉरेन्स नाबाद आहेत.

अक्षर पटेलची फिरकी, इंग्लंडला तिसरा झटका

अक्षर पटेलने इंग्लंडला तिसरा दणका दिला आहे. अक्षरने जॅक लीचला शून्यावर आऊट केलं आहे. यामुळे इंग्लंडची 50-3 अशी स्थिती झाली आहे.

अश्विनचा दणका, इंग्लंडची दुसरी विकेट

इंग्लंडने दुसरी विकेट गमावली आहे. अश्विनने रोरी बर्न्सला विराट कोहलीच्या हाती 25 धावांवर आऊट केलं.

इंग्लंडला पहिला धक्का

फिरकीपटू अक्षर पटेलने इंग्लंडला पहिला झटका दिला आहे. अक्षर पटेलने  डोमिनिक सिबलेला एलबीडबल्यू आऊट केलं.

इंग्लंडला बॅटिंगला सुरुवात, विजयासाठी 482 धावांचे आव्हान

इंग्लंडच्या बॅटिंगला सुरुवात झाली आहे. टीम इंडियाने इंग्लंडला विजयासाठी 482 धावांचे आव्हान दिले आहे.

दहाव्या विकेटसाठी 49 धावांची भागीदारी

चेन्नई कसोटीत भारताच्या शेवटच्या क्रमांकावरील फलंदाजांनी इंग्लिश गोलंदाजांना चांगलंच जेरीस आणलं. फिरकीपटू रवीचंद्रन अश्विनने शतक ठोकल्यानंतर अश्विन आणि मोहम्मद सिराज या जोडीने दहाव्या विकेटसाठी 49 भागीदारी रचली. त्यामुळे भारताला दुसऱ्या डावात 286 धावा करत आल्या. भारताने आता इंग्लंडसमोर 482 धावांचे तगडे आव्हान उभे केले आहे.

अश्विनची शतकी खेळी, इंग्लंडसमोर विजयासाठी 482 धावांचे आव्हान

शतक साजरं केल्यानंतर रवीचंद्रन अश्विन फार वेळ मैदानात टीकू शकला नाही. 106 धावांवर असताना ओली स्टोनच्या गोलंदाजीवर अश्विन त्रिफळाचित झाला. भारताने दुसऱ्या डावात 286 धावा करत इंग्लंडसमोर 481 धावांचे तगडे आव्हान दिले आहे.

भारताला नववा झटका

भारताने नववी विकेट गमावली आहे. इशांत शर्मा 7 धावांवर आऊट झाला आहे.

तिसऱ्या सत्राला सुरुवात

तिसऱ्या आणि शेवटच्या सत्राला सुरुवात झाली आहे. अश्विन आणि इशांत शर्मा मैदानात खेळत आहेत. अश्विनची शतकाच्या दिशेने वाटचाल सुरु आहे.

टी ब्रेकपर्यंत टीम इंडियाकडे 416 धावांची मजबूत आघाडी

टीम इंडियाने तिसऱ्या दिवसातील टी ब्रेकपर्यंत 73 ओव्हर्समध्ये  8 विकेट्स गमावून 221 धावा केल्या आहेत. यासह भारताने 416 धावांची मजबूत आघाडी घेतली आहे. अश्विन 68 तर इशांत शर्मा शून्यावर खेळत आहे.

भारताला आठवा धक्का

टीम इंडियाला आठवा धक्का लागला आहे. कुलदीप यादव 3 धावांवर आऊट झाला आहे. दरम्यान टीम इंडियाकडे 405 धावांची आघाडी आहे.

भारताला सातवा झटका

टीम इंडियाने सातवी विकेट गमावली आहे. विराट कोहली 62 धावांवर आऊट झाला. मोईन अलीने विराटला एलबीडबल्यू आऊट केलं.

टीम इंडियाच्या 200 धावा पूर्ण

टीम इंडियाच्या 200 धावा पूर्ण झाल्या आहेत. यासह भारताने दुसऱ्या डावात 395 धावांची आघाडी घेतली आहे.

बोलिंगनंतर बॅटिंगने जलवा, अश्विनचे अर्धशतक

अश्विनने शानदार अर्धशतक पूर्ण केलं आहे. विराट आणि अश्विन या दोघांनी सातव्या विकेटसाठी 80 पेक्षा अधिक धावांची भागीदारी केली आहे.

कॅप्टन कोहलीचे अर्धशतक

कॅप्टन विराट कोहलीने झुंजार अर्धशतक लगावलं आहे. विराटच्या या अर्धशतकामुळे टीम इंडियाचा डाव सावरला आहे. दरम्यान अश्विन आणि विराट मैदानात खेळत आहेत.

FIFTY!

A well made half-century for #TeamIndia Captain @imVkohli ??

Live – https://t.co/Hr7Zk2kjNC #INDvENG @Paytm pic.twitter.com/WvV2e5h9hn

— BCCI (@BCCI) February 15, 2021

दुसऱ्या सत्राला सुरुवात

दुसऱ्या सत्राताील खेळाला सुरुवात झाली आहे. अश्विन आणि विराट मैदानात खेळत आहेत. या दोघांनी टीम इंडियाचा डाव सावरला आहे. दोघांमध्ये  60 पेक्षा अधिक धावांची भागीदारी झाली आहे. तसेच टीम इंडियाकडे 350 पेक्षाही अधिक रन्सची आघाडी आहे.

लंच ब्रेकपर्यंत टीम इंडियाची 6 बाद 156 धावांपर्यंत मजल

दुसऱ्या डावात टीम इंडियाची बिकट अवस्था झाली आहे. लंच ब्रेकपर्यंत टीम इंडियाने 6 गडी गमावले असून, 156 धावांपर्यंत मजल मारली आहे. कर्णधार विराट कोहली 38 तर रवीचंद्रन अश्विन 34 धावांवर खेळत आहेत.

टीम इंडियाकडे 300 धावांची आघाडी

टीम इंडियाने 300 पेक्षा अधिक धावांची आघाडी घेतली आहे. कॅप्टन कोहलीने चौकार खेचत 300 धावांचा टप्पा पूर्ण केला.

अक्षर पटेल आऊट

भारताने दुसऱ्या डावात एकामागोमाग एक विकेट्स गमावल्या आहेत. अक्षर पटेल आऊट झाला आहे. यामुळे भारताची 106-6 अशी स्थिती झाली आहे.

भारताचा अर्धा संघ तंबूत

टीम इंडियाने पाचवी विकेट्स गमावली आहे. उपकर्णधार अजिंक्य रहाणे आऊट झाला आहे. रहाणे 10 धावा करुन तंबूत परतला आहे.

रिषभ पंत आऊट

टीम इंडियाचे टॉप ऑर्डरचे बॅट्समन सपशेल अपयशी ठरले आहेत. पुजारा, रोहितनंतर रिषभ पंत आऊट झाला आहे. यामुळे भारताची 65-4  अशी स्थिती झाली आहे.

‘हिटमॅन’ रोहित आऊट

हिटमॅन रोहित शर्मा 26 धावांवर स्टंपिग आऊट झाला.  विकेटकीपर बेन फोक्सने जॅक लीचच्या बोलिंगवर स्टंपिंग आऊट केलं.

पुजारा रनआऊट

टीम इंडियाची तिसऱ्या दिवसाची वाईट सुरुवात झाली आहे. चेतेश्वर पुजारा 7 धावांवर रनआऊट झाला आहे. यामुळे भारताचा 2 बाद 55 अशी स्थिती झाली आहे. पुजारा बाद झाल्यानंतर कॅप्टन विराट कोहली मैदानात आला आहे. टीम इंडियाने दुसऱ्या डावात 250 पेक्षा अधिक धावांची आघाडी घेतली आहे.

तिसऱ्या दिवसाच्या खेळाला सुरुवात

तिसऱ्या दिवसाच्या खेळाला सुरुवात झाली आहे. टीम इंडियाने 54-1 या धावसंख्येपासून बॅटिंगला सुरुवात केली आहे. रोहित शर्मा आणि चेतेश्वर पुजारा मैदानात खेळत आहेत.

सामन्याचा तिसरा दिवस

टीम इंडिया विरुद्ध इंग्लंड यांच्यातील दुसऱ्या कसोटी सामन्यातील तिसरा दिवस आहे. भारताने दुसऱ्या दिवसखेर 1 विकेट गमावून 54 धावा केल्या. भारताने यासह 249 धावांची आघाडी घेतली आहे.