IPL 2022 Points Table : आयपीएलमध्ये कोणत्या संघाची आगेकूच, तुमचा आवडता संघ कोणत्या स्थानी, जाणून घ्या
काल आयपीएलच्या पंधराव्या सीजनमधील लखनौ आणि बंगलोरचा सामना झाला. यामध्ये बंगलोरचा लखनौवर रॉयल विजय झाला. यानंतर आयपीएलच्या गुणतालिकेत काय बदल झालाय पाहुया...
मुंबई : काल आयपीएलच्या पंधराव्या सीजनमधील लखनौ आणि बंगलोरचा सामना झाला. यामध्ये बंगलोरचा (RCB) लखनौवर रॉयल विजय झाला. त्यानंतर आरसीबीचा संघ गुणतालिकेत दुसऱ्या नंबरवर पोहोचला आहे. RCB ने लखनौला (LSG) 18 धावांनी हरवलं. आरसीबीचा कॅप्टन फाफ डू प्लेसी आणि वेगवान गोलंदाज जोश हेझलवूडने विजयात महत्त्वची भूमिका बजावली. भारताचा माजी कर्णधार विराट कोहलीचा (Virat Kohli) खराब फॉर्म कायम आहे. आयपीएलचा हा 15 वा सीजन आहे. या सीजनमध्ये अजूनही विराटकडून अपेक्षित कामगिरी होऊ शकलेली नाही. विराटचा धावांसाठी संघर्ष सुरुच आहे. विराट कोहली काल पुन्हा अपयशी ठरला. महत्त्वाचं म्हणजे इंडियन प्रीमियर लीग स्पर्धेत तो चौथ्यांदा गोल्डन डकवर आऊट झाला. श्रीलंकेच्या दुष्मंथा चमीराने त्याला पहिल्या चेंडूवर बाद केलं. चमीराने त्याला हुड्डा करवी झेलबाद केलं. कालच्या सामन्यानंतर आयपीएलच्या गुणतालिकेत बदल झालाय का?, पाहुया
पॉईंट्स टेबलमध्ये कोणता संघ अव्वल?
आयपीएलच्या गुणतालिकेत गुजरात पहिल्या स्थानी आहे. गुजरातने सहापैकी पाच सामने जिंकले आहे. तर एक सामना हरला आहे. त्यानंतर दुसऱ्या स्थानी आरसीबी आहे. आरसीबीने सातपैकी पाच सामने जिंकले आहे. तर दोन सामन्यात त्यांना अपयश आलंय. तिसऱ्या स्थानी राजस्थान रॉयल्स आहे. राजस्थानने सहापैकी चार सामने जिंकले आहे. दोन सामन्यात राजस्थानला अपयश आलंय. चौथ्या स्थानी लखनौ आहे. लखनौने सातपैकी चार सामने जिंकले असून तीन सामन्यात त्यांना अपयश आलंय. पाचव्या स्थानी हैदराबाद आहे. या संघाने सहापैकी चार सामने जिंकले आहे. तर दोन सामन्यात या संघाला अपयश आलंय.
IPL पॉइंट्स टेबल
| संघ | सामने | जय | पराजय | पॉइंट्स | नेट रन रेट |
|---|---|---|---|---|---|
| गुजरात टायटन्स | 14 | 10 | 4 | 20 | 0.316 |
| राजस्थान रॉयल्स | 14 | 9 | 5 | 18 | 0.298 |
| लखनौ सुपर जायंट्स | 14 | 9 | 5 | 18 | 0.251 |
| रॉयल चॅलेंजर्स बँगलोर | 14 | 8 | 6 | 16 | -0.253 |
| दिल्ली कॅपिटल्स | 14 | 7 | 7 | 14 | 0.204 |
| पंजाब किंग्स | 14 | 7 | 7 | 14 | 0.126 |
| कोलकाता नाइट रायडर्स | 14 | 6 | 8 | 12 | 0.146 |
| सनरायजर्स हैदराबाद | 14 | 6 | 8 | 12 | -0.379 |
| चेन्नई सुपर किंग्स | 14 | 4 | 10 | 8 | -0.203 |
| मुंबई इंडियन्स | 14 | 4 | 10 | 8 | -0.506 |
थोडक्यात हुकली डु प्लेसिसची सेंच्युरी
काल लखनौ सुपर जायंट्स विरुद्धच्या सामन्यात डु प्लेसीच्या खेळातून त्याची झलक दिसून आली. डु प्लेसीच शतक थोडक्यात हुकलं. पण त्याने IPL मधली सर्वोच्च खेळी केली. शेवटच्या ओव्हरमध्ये डु प्लेसी आऊट झाला. पण तो पर्यंत त्याने रॉयल चॅलेंजर्स बँगलोरच्या (टीमला एका मजबूत स्थितीमध्ये नेऊन ठेवलं होतं. जेसन होल्डरच्या गोलंदाजीवर मोठा फटका खेळण्याच्या प्रयत्नात मार्कस स्टॉयनिसने सीमारेषेवर त्याचा झेल घेतला. या सामन्यात टॉस जिंकून लखनौचा संघ प्रथम फलंदाजी करत होता. डु प्लेसीने आज कठीण परिस्थितीत त्याचा सर्वोत्तम खेळ दाखवला. आरसीबीचे टॉपचे चार फलंदाज 62 धावात तंबूत परतले होते. त्यांचा डाव अडचणीत होता. अशा परिस्थितीत डु प्लेसीने डाव सावरलाच पण संघाला एक भक्कम स्थितीमध्ये नेऊन ठेवलं.
इतर बातम्या
Hair care : उन्हाळ्यात डोके थंड ठेवण्यासाठी या तेलांचा वापर करा आणि सोबतच सुंदर केस मिळवा!
