MI vs SRH Toss : मुंबईने टॉस जिंकला, पलटणची बॅटिंग, हैदराबाद विरुद्ध रोहित खेळणार? पाहा प्लेइंग 11
Mumbai Indians vs Sunrisers Hyderabad Toss and Playing 11 : मुंबई इंडियन्स आणि सनरायजर्स हैदराबाद दोन्ही संघांनी वानखेडे स्टेडियममधील सामन्यासाठी प्लेइंग ईलेव्हनमध्ये बदल केले आहेत. जाणून घ्या.
आयपीएल स्पर्धेच्या 19 व्या मोसमातील (IPL 2026) 41 व्या सामन्यात मुंबई इंडियन्स विरुद्ध सनरायजर्स हैदराबाद आमनेसामने आहेत. सामन्याला संध्याकाळी 7 वाजून 30 मिनिटांनी मुंबईतील वानखेडे स्टेडियममध्ये सुरुवात होणार आहे. त्याआधी 7 वाजता टॉस झाला. मुंबईच्या बाजूने नाणेफेकीचा कौल लागला. कॅप्टन हार्दिक पंड्या याने बॅटिंगचा निर्णय घेतला आहे. मुंबई आणि हैदराबाद या दोन्ही संघांनी सामन्यासाठी प्लेइंग ईलेव्हनमध्ये बदल केला आहे.
मुंबईची ओपनिंग जोडी बदलली
मुंबईने प्लेइंग ईलेव्हनमध्ये बदल केले आहेत. क्विंटन डी कॉक प्लेइंग ईलेव्हनचा भाग नाही. शेरफेन रदरफोर्ड याला बाहेर करण्यात आलं आहे. रायन रिकेल्टन याचं कमबॅक झालं आहे. बॉलिंग ऑलराउंडर मिचेल सँटनर याच्या जागी विल जॅक्स याचा समावेश करण्यात आला आहे. विल आणि रायन हे दोघे मुंबईसाठी ओपनिंग करणार आहेत.
मिचेल सँटनर आणि क्रिष भगत या तिघांना मैदानाबाहेर व्हावं लागलं आहे. तर रायन रिकेल्टन, विल जॅक्स, ट्रेन्ट बोल्ट आणि रॉबिन मिंझ यांचं कमबॅक झालं आहे. बॉलिंग ऑलराउंडर मिचेल सँटनर याच्या जागी विल जॅक्स याचा समावेश करण्यात आला आहे. सनरायजर्स हैदराबादनमध्ये हर्ष दुबे याला शिवांग कुमार याच्या जागी संधी देण्यात आली आहे.
मुंबईची वानखेडेतील हैदराबाद विरुद्धची आकडेवारी
मुंबई इंडियन्सला या 19 व्या हंगामात वानखेडे स्टेडियममध्ये सलग 3 सामने गमवावे लागले आहेत. मात्र मुंबईचा वानखेडेत सनरायजर्स हैदराबाद विरुद्ध दबदबा राहिलेला आहे. मुंबईने हैदराबाद विरुद्ध 9 पैकी 7 सामने जिंकले आहेत. तर हैदराबादला वानखेडेत 2 सामने जिंकता आले आहेत.
रोहितच्या दुखापतीबाबत अपडेट काय?
दरम्यान कॅप्टन हार्दिकने टॉसनंतर रोहित शर्मा याच्या दुखापतीबाबत माहिती दिली. “रोहित शर्मा याला कमबॅक करण्यासाठी आणखी काही सामन्यांची प्रतिक्षा करावी लागेल”, असं हार्दिकने सांगितलं. रोहितचं कमबॅक लांबवणीवर पडल्याने मुंबईच्या चाहत्यांचं टेन्शन वाढलं आहे.
सनरायजर्स हैदराबाद प्लेइंग ईलेव्हन : अभिषेक शर्मा, ट्रॅव्हिस हेड, इशान किशन, हेनरिक क्लासेन, सलील अरोरा (विकेटकीपर), नितीश कुमार रेड्डी, पॅट कमिन्स (कर्णधार), हर्ष दुबे, साकिब हुसेन, प्रफुल हिंगे आणि एशान मलिंगा.
मुंबई इंडियन्स प्लेइंग ईलेव्हन : रायन रिकेल्टन (विकेटकीपर), विल जॅक्स, नमन धीर, सूर्यकुमार यादव, तिलक वर्मा, हार्दिक पांड्या (कॅप्टन), रॉबिन मिन्झ, ट्रेंट बोल्ट, जसप्रीत बुमराह, अल्लाह गझनफर आणि अश्वनी कुमार.
