WPL 2024 : दुसऱ्या पर्वात कोणाला मिळाला पुरस्कार आणि बक्षीसाची रक्कम जाणून घ्या
वुमन्स प्रीमियर लीग स्पर्धेच्या दुसऱ्या पर्वाच्या जेतेपदावर रॉयल चॅलेंजर्स बंगळुरुने नाव कोरलं. अंतिम सामन्यात दिल्ली कॅपिटल्सचा 8 गडी राखून पराभव केला. या सामन्यानंतर पुरस्काराचं वाटप करण्यात आलं. चला जाणून घेऊयात कोणाला कोणता पुरस्कार मिळाला आणि किती मानधन मिळालं ते..
वुमन्स प्रीमियर लीग स्पर्धेत रॉयल चॅलेंजर्स बंगळुरुच्या रुपाने दुसरा विजेता मिळाला. अंतिम सामन्यात दिल्ली कॅपिटल्स संघाचा सलग दुसऱ्यांदा पराभव झाला आहे. बंगळुरुने 8 गडी राखून दिल्ली कॅपिटल्सवर विजय मिळवला आहे.
1 / 13
दुसऱ्या पर्वात उदयोन्मुख खेळाडू म्हणून रॉयल चॅलेंजर्स बंगळुरुची श्रेयंका पाटील हीचा सन्मान करण्यात आला. श्रेयंकाला पुरस्कारासह 5 लाख रुपयांचं मानधन मिळालं.
2 / 13
रॉयल चॅलेंजर्स बंगळुरुच्या एलिस पेरीने या स्पर्धेत चमकदार कामगिरी केली. एलिस पेरीने 347 धावा केल्याने तिला ऑरेंज कॅप मिळाली होती. ऑस्ट्रेलियन खेळाडूला 5 लाख रुपयांचं मानधन देण्यात आलं.
3 / 13
स्पर्धेत सर्वाधिक गडी बाद करण्याचा विक्रम श्रेयंका पाटीलच्या नावावर राहिला. तिने एकूण 12 गडी बाद केले. त्यामुळे तिचा पर्पल कॅपने सन्मान करण्यात आला आणि 5 लाखांचं मानधन देण्यात आलं.
4 / 13
सामन्यात सर्वोत्कृष्ट स्ट्राईक असलेल्या आरसीबीच्या जॉर्जिया वेरेहमचाही सन्मान करण्यात आला. तिला मानचिन्हासह 5 लाखांचं मानधन देण्यात आलं.
5 / 13
अंतिम सामन्यात सोफी मोलिनेक्स ही सामनावीर पुरस्काराची मानकरी ठरली. तिने महत्त्वाचे तीन गडी बाद करून सामन्याच रुपडं पालटलं होतं. तिला मानचिन्ह आणि 2.5 लाखरुपये दिले गेले.
6 / 13
सर्वाधिक षटकार मारण्याचा मान दिल्ली कॅपिटल्सच्या शफाली वर्माला मिळाला. यासाठी तिला मानचिन्ह आणि 5 लाख रुपयांचं मानधन देण्यात आलं. तिने या स्पर्धेत एकूण 20 षटकार मारले.
7 / 13
वुमन्स प्रीमियर लीग स्पर्धेत सर्वोत्कृष्ट झेल पकडल्याप्रकरणी मुंबई इंडियन्सच्या एस सजनाचा सन्मान करण्यात आला. तिला मानचिन्हासह पाच लाख रुपये देण्यात आले.
8 / 13
यूपी वॉरियर्सची दीप्ती शर्मा वुमन्स प्रीमियर लीग स्पर्धेतील मौल्यवान खेळाडू ठरली. दीप्तीला मानचिन्ह आणि 5 लाख रुपयांच बक्षीस देण्यात आलं
9 / 13
अंतिम सामन्यात सर्वाधिक षटकार मारण्याचा मान दिल्ली कॅपिटल्सच्या शफाली वर्माला मिळाला. या सामन्यात तिने तीन षटकार मारले होते. यासाठी तिला 1 लाख रुपये मिळाले.
10 / 13
रॉयल चॅलेंजर्स बंगळुरु संपूर्ण स्पर्धेत खेळीमेळीने खेळल्याने फेअर प्ले अवॉर्ड देण्यात आला. आरसीबी संघाला यासाठी 5 लाख रुपयांचं मानधन मिळालं.
11 / 13
वुमन्स प्रीमियर लीग स्पर्धेच्या दुसऱ्या पर्वात जेतेपद मिळवणाऱ्या रॉयल चॅलेंजर्स बंगळुरु संघाला 6 कोटी रुपयांचं मानधन मिळालं.
12 / 13
उपविजेत्या दिल्ली कॅपिटल्स संघाला ट्रॉफीसह 3 कोटी रुपये मिळाले. दिल्ली कॅपिटल्सचं सलग दुसऱ्यांदा जेतेपद हुकलं.
