मोबाईल डेटा वाचवण्यास मदत करेल WhatsApp, ‘या’ ३ सेटिंग्ज त्वरित बदला

सध्याच्या काळात इंटरनेट आणि त्यात प्रामुख्याने whatsapp हा आपल्या जीवनाचा अविभाज्य घटक झाला आहे. कारण या व्हॉट्सॲपद्वारे आपण अनेकजण सामानाच्या यादीपासून ते फोटो, व्हिडीओ एकमेकांना पाठवत असतो. पण तुम्हाला माहिती आहे का की व्हॉट्सॲपमध्ये फक्त एक नाही तर अनेक उपयुक्त फीचर्स लपलेले आहेत? आज आम्ही तुम्हाला अशा काही उपयुक्त वैशिष्ट्यांबद्दल सांगणार आहोत जे व्हॉट्सॲप वापरताना तुमचा मोबाइल डेटा वाचवण्यास मदत करू शकतात. तुम्ही WhatsApp सेटिंग्ज बदलून तुमचा डेटा वापर कमी करू शकता. चला तुम्हाला अशा तीन सेटिंग्जबद्दल सांगतो जे डेटा वाचवण्यासाठी खूप उपयुक्त ठरतील.

Media Auto Download:

व्हॉट्सॲपवर तुम्हाला मिळणारे फोटो, व्हिडिओ आणि ऑडिओ फाइल्स आपोआप डाउनलोड होतात, ज्यामुळे डेटा वापर वाढतो. पण तुम्हाला हवे असल्यास, तुम्ही ते बंद देखील करू शकता, यासाठी तुम्हाला सेटिंग्जमध्ये जावे लागेल. सेटिंग्जमध्ये गेल्यानंतर, डेटा आणि स्टोरेजमधील ऑटो-डाउनलोड पर्यायावर क्लिक करा.

ऑटो डाउनलोड पर्यायामध्ये, मोबाईल डेटा पर्यायावर क्लिक करा आणि फोटो, ऑडिओ, व्हिडिओ आणि डॉक्युमेंट्स सारखे सर्व निवडलेले पर्याय अन-टिक करा आणि नंतर ओके बटण दाबा. असे केल्याने, पुढच्या वेळी तुमचा फोन मोबाईल डेटावर असेल तेव्हा यापैकी कोणतीही गोष्ट आपोआप डाउनलोड होणार नाही.

Use Less Data For Calls:

जर तुम्ही व्हॉट्सॲपवर कॉल करत असाल तर कॉलिंग दरम्यानही तुमचा मोबाईल डेटा कसा वाचवता येईल हे देखील तुम्हाला माहित असले पाहिजे. यासाठी तुम्हाला WhatsApp सेटिंग्जमधील स्टोरेज आणि डेटा विभागात ‘Use Less Data For Calls’ हा पर्याय बंद करावा लागेल.

Media Upload Quality:

जेव्हा तुम्ही व्हॉट्सॲपवर इतरांना फोटो आणि व्हिडिओ पाठवता तेव्हा तुमचा मोबाईल डेटा देखील अधिक प्रमाणात वापरला जातो. जर तुम्हाला तुमचे काम कमी डेटामध्ये करायचे असेल, तर यासाठी तुम्हाला WhatsApp सेटिंग्जमधील स्टोरेज आणि डेटा विभागात मीडिया अपलोड क्वालिटीवर क्लिक करावे लागेल. यानंतर तुम्हाला दोन पर्याय मिळतील, स्टैंडर्ड क्वॉलिटी आणि एचडी क्वॉलिटी, कमी डेटा वापरासाठी तुम्ही एचडी ऐवजी स्टैंडर्ड क्वॉलिटीचा पर्याय निवडू शकता.