MIM : बापरे बाप! ओवैसी-जलील यांच्या पदयात्रेत तुफान गर्दी, अख्खं संभाजीनगर जाम; VIDEO पाहून वाटेल आश्चर्य!

छत्रपती संभाजीनगरमध्ये आज असदुद्दीन ओवैसी आणि इम्तियाज जलील यांच्या नेतृत्वाखाली पदयात्रा काढण्यात आली. शहरातील चंपा चौकातून निघालेल्या या पदयात्रेसाठी मोठ्या संख्येने एमआयएम समर्थक उपस्थित होते. ही पदयात्रा त्याच भागातून काढण्यात आली, जिथे काल इम्तियाज जलील यांच्या गाडीवर हल्ला झाला होता. या घटनेच्या पार्श्वभूमीवर, परिसरात सकाळपासूनच मोठा पोलीस बंदोबस्त तैनात करण्यात आला होता. पोलीस प्रशासनाने कोणताही अनुचित प्रकार घडू नये यासाठी विशेष खबरदारी घेतली होती. पदयात्रेदरम्यान ओवैसींनी स्थानिक नागरिक आणि कार्यकर्त्यांशी संवाद साधला, त्यांचे अभिवादन स्वीकारले. एमआयएमने या पदयात्रेद्वारे आपले शक्तीप्रदर्शन करण्याचा प्रयत्न केला.