पार्थ पवार जमीन घोटाळा प्रकरण; अजित दादांचं मोठं विधान

पार्थ पवारांच्या पुण्यातील जमीन गैरव्यवहार प्रकरणासंदर्भात महत्वपूर्ण घडामोडी समोर आल्या आहेत. जमीन लाटण्याचे प्रयत्न आधीपासूनच सुरू असल्याचे दिसून येत आहे. पुणे शहरच्या तहसीलदारांचे संशयास्पद व्यवहार समोर आले असून, ७ नोव्हेंबर रोजी खडक पोलिस ठाण्यात नायब तहसीलदार प्रवीण बोरडे यांच्या तक्रारीनंतर एफआयआर दाखल करण्यात आला आहे.

या प्रकरणातून काही गोष्टी शिकल्या पाहिजेत, असा सल्ला अजित पवारांनी पार्थ पवारांना दिला आहे. “आपल्याकडे चांगले वकील आहेत, चांगले सल्लागार आहेत. त्यांचा सल्ला घ्यावा आणि पुढे जावे,” असे अजित पवार म्हणाले. ते मुंबईत पार्थला भेटून यावर बोलणार आहेत. दुसरीकडे, राष्ट्रवादी काँग्रेसच्या कोअर कमिटीची बैठक वाय.बी. चव्हाण सेंटर येथे आयोजित केली असून, त्यात स्थानिक पातळीवरील युतीबाबत निर्णय घेतले जाणार आहेत. भाजपनेही आगामी निवडणुकांसाठी मोर्चेबांधणी सुरू केली आहे, ज्यात ११ नोव्हेंबरला मुंबईत प्रमुख नेत्यांची बैठक होणार आहे.