Ajit Pawar NCP : अजित पवारांकडून स्वबळाचा नारा! दादांची राष्ट्रवादी ‘या’ महापालिकांत स्वतंत्र लढणार, महायुतीसोबत नाही?

उपमुख्यमंत्री अजित पवार यांच्या नेतृत्वाखालील राष्ट्रवादी काँग्रेस पक्ष आगामी अनेक महापालिका निवडणुकांमध्ये सत्ताधारी महायुतीसोबत जाणार नाही. अनेक ठिकाणी जागावाटपात त्यांच्या पक्षाला योग्य स्थान न मिळाल्याने हा महत्त्वपूर्ण निर्णय घेण्यात आल्याचे समजते. या महापालिकांमध्ये मुंबई, ठाणे, पुणे, पिंपरी-चिंचवड, कल्याण-डोंबिवली, वसई-विरार, मिरा-भाईंदर, अमरावती, नाशिक आणि सोलापूर या प्रमुख शहरांचा समावेश आहे, अशी माहिती सूत्रांकडून मिळतेय.

अजित पवार यांच्या गटाची अनेक ठिकाणी महायुतीसोबत जाण्याची इच्छा होती, परंतु जागावाटपाच्या प्रक्रियेत त्यांना अपेक्षित प्रतिनिधित्व मिळाले नाही. त्यामुळे त्यांनी अनेक महापालिकांमध्ये महायुतीपासून स्वतंत्रपणे लढण्याचा पवित्रा घेतल्याचे सूत्रांचे म्हणणे आहे. हा निर्णय राज्यातील स्थानिक स्वराज्य संस्थांच्या राजकारणावर मोठा परिणाम करू शकतो.