Ambadas Danve : भाजपचं बेगडी हिंदुत्व… अंबादास दानवेंकडून रावसाहेब दानवेंचा ‘तो’ जुना व्हिडीओ ट्वीट
अंबादास दानवे यांनी भाजप नेते रावसाहेब दानवे यांचा एक जुना व्हिडीओ ट्वीट केला आहे. यामध्ये रावसाहेब दानवे गोवंश हत्याबंदीबाबत बोलताना दिसतात. या व्हिडीओच्या माध्यमातून अंबादास दानवे यांनी भाजपच्या बेगडी हिंदुत्वावर प्रश्नचिन्ह उपस्थित केले आहे. जनतेने रावसाहेब दानवे यांची जुनी भूमिका विचारात घ्यावी, असे आवाहन दानवे यांनी केले.
अंबादास दानवे यांनी भाजपचे नेते रावसाहेब दानवे यांचा एक जुना व्हिडीओ समाजमाध्यमांवर ट्वीट करत राजकीय वर्तुळात चर्चा घडवून आणली आहे. या व्हिडीओमध्ये रावसाहेब दानवे गोवंश हत्याबंदीच्या संदर्भात काही विधाने करताना दिसतात. अंबादास दानवे यांनी या व्हिडीओच्या आधारे भाजपच्या बेगडी हिंदुत्वावर प्रश्नचिन्ह उपस्थित केले आहे. व्हिडीओमध्ये रावसाहेब दानवे गोवंश हत्याबंदी लागू झाल्यानंतर बकरी ईदच्या वेळी काही नागरिक त्यांच्याकडे आल्याचा प्रसंग कथन करताना दिसतात. तेव्हा त्यांनी जोपर्यंत रावसाहेब दानवे आहेत, तोपर्यंत हे (गोवंश हत्या) बंद होणार नाही असे म्हटल्याचे व्हिडीओतून समोर येते. यावर अंबादास दानवे यांनी म्हटले आहे की, “मी व्यक्तिगत रावसाहेब दानवेंना नाही बोललो, भारतीय जनता पार्टीचं जे बेगडी हिंदुत्व त्याच्याविषयी बोललो की त्यांच्याच पक्षाचे नेते काय भूमिका व्यक्त करतात हे जरा ऐकलं पाहिजे.” दानवे यांनी जनतेला आवाहन केले आहे की, गोवंश हत्याबंदीबाबत रावसाहेब दानवेंचे मत काय होते, हे या व्हिडीओतून स्पष्ट होते. या व्हिडीओद्वारे त्यांनी भारतीय जनता पक्षाचे बेगडी हिंदुत्व समोर आणण्याचा प्रयत्न केला आहे.
