Beed Crime : बीड हादरलं… गजबजलेल्या भागात पत्रकाराच्या मुलाला संपवलं, कोणी केली निर्घृण हत्या? कारण काय?

बीड शहरात एका पत्रकाराच्या मुलाची हत्या झाल्याने खळबळ उडाली आहे. बीड शहरातील गजबजलेल्या भागात ही घटना घडली. या घटनेनंतर मृताच्या नातेवाईकांनी आणि काही नागरिकांनी पोलीस अधीक्षक कार्यालयात ठिय्या मांडला आहे. सध्या पोलीस या हत्येचं कारण शोधत आहेत. परिसरातील नागरिकांकडून माहिती घेतली जात आहे.  समोर आलेल्या माहितीनुसार, बीड शहरात पत्रकाराच्या मुलाची हत्या झाल्यामुळे तणावाचे वातावरण आहे. पोलिसांनी अधिक तपास सुरू केला असून, आरोपींना लवकरात लवकर पकडण्याचे आश्वासन दिले आहे. या घटनेमुळे पत्रकार आणि नागरिकांमध्ये भीतीचे वातावरण निर्माण झाले आहे.