Fadnavis and Raut Meet : CM फडणवीस अन् संजय राऊत यांच्यात 20 मिनिटं चर्चा, कुठं झाली भेट अन् कशावर झालं बोलणं?

मुख्यमंत्री देवेंद्र फडणवीस आणि ठाकरे गटाचे खासदार संजय राऊत यांच्यामध्ये एका खाजगी कार्यक्रमात तब्बल 20 मिनिटे चर्चा झाल्याचे समोर आले आहे. ही भेट काल रात्री उशिरा एका विवाह सोहळ्यात झाली, जिथे दोन्ही नेते उपस्थित होते. या भेटीदरम्यान, मुख्यमंत्री फडणवीस यांनी संजय राऊत यांच्या प्रकृतीची विचारपूस केल्याची प्राथमिक माहिती आहे. गेल्या काही दिवसांपासून संजय राऊत आजारी असून माध्यमांपासून आणि सार्वजनिक कार्यक्रमांपासून दूर होते. त्यांच्यावर उपचार सुरू असल्याने ते मास्क लावून सार्वजनिक ठिकाणी दिसत होते. यापूर्वीही, संजय राऊत यांनी ऑक्टोबर महिन्यात आपल्या तब्येतीबद्दल माहिती दिली होती, तेव्हा देवेंद्र फडणवीस यांनी फोन करून त्यांची विचारपूस केली होती आणि आवश्यक ती मदत देण्याचे आश्वासनही दिले होते. कालच्या भेटीतही प्रकृतीबाबत चर्चा झाल्याचे स्पष्ट झाले आहे.