Amravati : भैय्या और भाभी दोनों औकात में रहना… दिवाळीचा किराणा अन् वादात दाम्पत्य राणा, काँग्रेस नेत्याचा जहरी वार

अमरावतीच्या राणा दांपत्याने काँग्रेसच्या नेत्या यशोमती ठाकूर यांच्याकडे दिवाळीनिमित्त एक किराणा कीट पाठवल्याने नवा राजकीय वाद सुरू झाला आहे. हे कीट ठाकूर यांच्या कार्यकर्त्याकडे देण्यात आले होते, तसेच याचा फोटो काढण्याची मागणी करण्यात आली होती. या प्रकारावर यशोमती ठाकूर यांनी तीव्र आक्षेप घेतला आहे.

ठाकूर यांनी राणा दांपत्याच्या या कृतीला “हलकटपणा” म्हटले आहे. पाठवण्यात आलेल्या किराणा किटमधील वस्तू शालेय वाटपातील असल्याचा संशय त्यांनी व्यक्त केला. यात सोयाबीन, पोहे, शेंगदाणे, मिठाची पिशवी, बिस्कीट आणि १०० रुपयांची साडी यांचा समावेश होता. ठाकूर यांनी राणा दांपत्याला औकातीत राहायचं असा स्पष्ट इशारा देत, भविष्यात असे प्रकार घडल्यास योग्य उत्तर देण्याची भूमिका मांडली. या घटनेमुळे अमरावतीमधील राजकारण पुन्हा एकदा तापले आहे.