भारताला पुन्हा विश्वचषक जिंकण्याची संधी! राज्यात क्रिकेटप्रेमींचा उत्साह

टी-20 विश्वचषक 2026 चा अंतिम सामना भारत आणि न्यूझीलंड संघात आज नरेंद्र मोदी स्टेडियम, अहमदाबाद येथे खेळवला जाईल. भारतीय वेळेनुसार सायंकाळी ७ वाजता हा सामना सुरू होईल. भारताला सलग दुसऱ्यांदा विश्वचषक जिंकण्याची संधी असून, न्यूझीलंड संघाला अजूनही एकदाही विश्वविजेता होता आलेले नाही.

भारतीय संघाने चौथ्यांदा स्पर्धेतील अंतिम फेरीत प्रवेश केला आहे. कर्णधार सूर्यकुमार यादव, हार्दिक पांड्या, जसप्रीत बुमराह आणि संजू सॅमसन यांसारख्या खेळाडूंच्या कामगिरीकडे सर्वांचे लक्ष लागले आहे. तर, न्यूझीलंडकडून फिन ॲलनच्या खेळीवरही नजर असेल. महेंद्रसिंह धोनी या महत्त्वाचा सामना पाहण्यासाठी अहमदाबादमध्ये पोहोचले आहेत. ठाणे आणि नागपूरसह महाराष्ट्रातील क्रिकेटप्रेमींमध्ये या सामन्यासाठी प्रचंड उत्साह असून, भारताच्या विजयाची त्यांना खात्री आहे.