Latur Muncipal Election Results : भाजपवर काँग्रेसची मुसंडी! काँग्रेस 14 तर भाजप 6 जागी पुढे

महाराष्ट्र महानगरपालिका  निवडणूक 2026 च्या निकालांची सध्या जोरदार चर्चा सुरू आहे. प्राप्त माहितीनुसार, लातूर जिल्ह्यात काँग्रेसने आपले वर्चस्व पुन्हा एकदा सिद्ध केले आहे. लातूरमध्ये काँग्रेस 14 जागांवर आघाडीवर असून, भाजप 6 जागांवर पुढे आहे. काँग्रेसने लातूरमध्ये मोठ्या मुसंडी मारल्याचे चित्र स्पष्ट आहे.

राज्यातील इतर भागांतील निकालांवर नजर टाकल्यास, भाजप-शिंदे गट 80 जागांवर आघाडीवर आहे. राष्ट्रवादी काँग्रेस 1 जागेवर पुढे आहे, तर ठाकरे बंधू 64 जागांवर आघाडीवर आहेत. काँग्रेस आणि वंचित बहुजन आघाडी एकूण 9 जागांवर पुढे आहेत. मीरा-भाईंदरमध्ये भाजपने आपली ताकद दाखवत चार उमेदवार विजयी केले आहेत. सुरुवातीला कोल्हापूरमधूनही भाजपच्या विजयाची बातमी हाती आली. मीरा-भाईंदरमध्ये भाजपला पूर्वी 61 जागा मिळाल्या होत्या. जळगावमधील महत्त्वपूर्ण लढतीत गुलाबराव देवकर यांचे पुत्र प्रफुल्ल देवकर यांनी विजय संपादन केला आहे. जळगावमधील ही लढत काटे की टक्कर मानली जात होती. मुंबई प्रभाग 37 मधील निकालाची प्रतीक्षा आहे.