प्रवाशांनी केलं असं काही की, वैतागलेल्या चालकाने बस चालवण्यास दिला नकार

बसला अपघात झाल्यावर, किंवा बसमध्ये काही बिघाड झाल्यावर बस थंबवण्यात आल्याचा प्रकार आपण कायम ऐकला आहे. मात्र बस खचाखच भरल्याने वैतागलेल्या बस चालकाने चक्क बस थांबवल्याचा प्रकार आता समोर आला आहे. पवईच्या आयआयटी मार्केट परिसरात ही घटना घडलेली आहे. काल रात्रीच्या सुमारास हा प्रकार घडला. बस प्रवाशांनी एवढी भरली होती की त्यामुळे प्रवाशांच्या जीवाला धोका असल्याचं लक्षात येऊन चालकाने वैतागून बस बाजूला उभी केली. मात्र यामुळे प्रवाशांनी मोठा गोंधळ घातला. तर गर्दीच्या वेळी ही घटना घडल्याने परिसरात वाहतूक कोंडी देखील बघायला मिळाली.