Devyani Farande : नाशिक भाजपात इनकमिंगवरून राडा, निष्ठावंतांचा बळी नको, भाजपनं देवयानी फरांदे यांचा विरोध डावलला !

नाशिकमध्ये भाजपच्या मिशन १०० अंतर्गत नाशिक महापालिकेत जोरदार पक्षप्रवेश सुरू झाले आहेत. मात्र, या पक्षप्रवेशांवरून भाजपमध्येच नाराजीचे सूर उमटले आहेत. पक्षाच्या विद्यमान आमदार देवयानी फरांदे यांनी निष्ठावंत कार्यकर्त्यांचा बळी दिला जात असल्याचा आरोप करत या प्रवेशांना तीव्र विरोध केला. त्यांच्या म्हणण्यानुसार, पक्ष जुन्या कार्यकर्त्यांच्या भावनांचा विचार करत नाहीये. भाजप नेते गिरीश महाजन यांच्या उपस्थितीत ठाकरेंच्या शिवसेनेचे विनायक पांडे, मनसेचे माजी महापौर यतिन वाघ, मनसेचे सरचिटणीस दिनकर पाटील, मनसेचे माजी आमदार नितीन भोसले आणि काँग्रेसचे शाहू खैरे यांच्यासह पाच जणांनी भाजपमध्ये प्रवेश केला.

आमदार फरांदे आणि स्थानिक कार्यकर्त्यांनी या प्रवेशाला विरोध दर्शवला, घोषणाबाजीही केली, तरीही भाजप नेतृत्वाने त्यांचे म्हणणे डावलून पक्षप्रवेश पार पाडला. नाशिक महापालिकेत १०० जागा जिंकण्याचे भाजपने लक्ष्य ठेवले आहे, ज्यासाठी हे मोठे पक्षप्रवेश घडवून आणले जात आहेत. यामुळे पक्षातील निष्ठावंत कार्यकर्त्यांमध्ये अस्वस्थता निर्माण झाली आहे.