Pune : चार-पाच जणं आले अन् पोलीस कर्मचाऱ्याला बेदम मारलं, कारण नेमकं काय? कोंडवा परिसरात एकच खळबळ

पुण्यातील कोंढवा परिसरात एका वाहतूक पोलीस कर्मचाऱ्याला चार ते पाच जणांकडून मारहाण झाल्याची धक्कादायक घटना समोर आली आहे. पवन डिंबळे असे या वाहतूक पोलीस कर्मचाऱ्याचे नाव आहे. त्यांना गंभीर मारहाण करण्यात आली असून, सध्या त्यांच्यावर रुग्णालयात उपचार सुरू आहेत. त्यांना या मारहाणीत गंभीर दुखापत झाली आहे.

ही घटना कोंढवा परिसरात घडली असून, चार ते पाच अज्ञात व्यक्तींनी मिळून पवन डिंबळे यांना बेदम मारहाण केली. या मारहाणीमागे नेमके काय कारण आहे, याचा तपास पोलीस करत आहेत.सध्या तरी मारहाणीचे कारण अस्पष्ट आहे. या घटनेनंतर माजी नगरसेवक वसंत मोरे यांनी मारहाण झालेल्या पोलीस कर्मचाऱ्याची रुग्णालयात जाऊन भेट घेतली. डिंबळे यांच्यावर उपचार सुरू असून, वसंत मोरे यांनी त्यांच्या प्रकृतीची चौकशी करत घटनेची सविस्तर माहिती जाणून घेतली.