BMC Election 2026 : ठाणे काँग्रेस कार्यालयात AB फॉर्म वाटपादरम्यान धक्काबुक्की अन् शिवीगाळ, नेमकं घडलं काय?

ठाणे शहरातील काँग्रेस कार्यालयात आगामी मुंबई महानगरपालिका (बीएमसी) निवडणुकीसाठी उमेदवारी अर्ज (एबी फॉर्म) वाटप करण्याच्या प्रक्रियेदरम्यान मोठ्या प्रमाणात गोंधळ आणि अंतर्गत वाद निर्माण झाल्याचे समोर आले आहे. फॉर्म वाटप सुरू असतानाच पक्षातील कार्यकर्त्यांमध्ये तीव्र मतभेद होऊन शिवीगाळ आणि धक्काबुक्की झाल्याची माहिती आहे. या घटनेमुळे पक्षातील अंतर्गत कलह चव्हाट्यावर आला आहे. घटनेची माहिती मिळताच, ठाणे नगर पोलीस तात्काळ घटनास्थळी दाखल झाले. कायदा व सुव्यवस्था राखण्यासाठी आणि परिस्थिती नियंत्रणात आणण्यासाठी मोठ्या संख्येने पोलीस बंदोबस्त तैनात करण्यात आला आहे.

ठाणे जिल्हा काँग्रेस अध्यक्ष विक्रांत चव्हाण यांच्यासह इतर कमिटी निरीक्षकांकडून एबी फॉर्मचे वाटप सुरू असतानाच हा प्रकार घडला. स्थानिक स्वराज्य संस्था निवडणुकांच्या तोंडावर काँग्रेस कार्यालयात घडलेल्या या घटनेने राजकीय वर्तुळात चर्चांना उधाण आले आहे. पक्षाला बीएमसी निवडणुकीच्या तयारीदरम्यानच अंतर्गत आव्हानांचा सामना करावा लागत असल्याचे या घटनेतून स्पष्ट झाले आहे.