Prashant Jagtap : प्रशांत जगताप यांच्या राजीनाम्याचं कारण समोर, पक्षाकडून मनधरणी सुरू अन् सुप्रिया सुळेंच्या भेटीला; म्हणाले…
प्रशांत जगताप यांनी राष्ट्रवादी काँग्रेस (शरदचंद्र पवार) पक्षाच्या पुणे शहराध्यक्षपदाचा राजीनामा दिला आहे. दोन्ही राष्ट्रवादी गट एकत्र येण्यास त्यांचा विरोध आहे. खासदार सुप्रिया सुळे यांच्या भेटीसाठी ते मुंबईला रवाना झाले असून, चर्चा झाल्यावर आपला अंतिम निर्णय जाहीर करतील. महाविकास आघाडी म्हणून लढावे, अशी त्यांची भूमिका आहे.
प्रशांत जगताप यांनी राष्ट्रवादी काँग्रेस (शरदचंद्र पवार) पक्षाच्या पुणे शहराध्यक्ष पदाचा राजीनामा दिला आहे. दोन्ही राष्ट्रवादी काँग्रेस गट एकत्र येऊन निवडणुका लढवण्यास त्यांचा तीव्र विरोध होता, याच कारणास्तव त्यांनी हा निर्णय घेतला. पुणे महानगरपालिका निवडणुकांच्या पार्श्वभूमीवर दोन्ही राष्ट्रवादी एकत्र येण्याची चर्चा सुरू असतानाच जगताप यांनी राजीनामा दिल्याने राजकीय वर्तुळात खळबळ उडाली आहे. खासदार सुप्रिया सुळे यांनी प्रशांत जगताप यांना दूरध्वनी करून तातडीने मुंबईला बोलावले आहे. त्यानुसार, जगताप हे सुप्रिया सुळे आणि शरद पवार यांची भेट घेण्यासाठी मुंबईला रवाना झाले आहेत. सुप्रिया सुळे यांच्याशी सविस्तर चर्चा केल्यानंतर आपला अंतिम निर्णय आज संध्याकाळपर्यंत जाहीर करणार असल्याचे जगताप यांनी टीव्ही नाईन मराठीला सांगितले. त्यांनी महाविकास आघाडी म्हणूनच आगामी निवडणुका लढवण्याचा आग्रह धरला आहे. सध्या ते राष्ट्रवादी काँग्रेस (शरदचंद्र पवार) पक्षातच आहेत, मात्र पुढील मार्ग चर्चेनंतरच निश्चित होईल, असे त्यांनी स्पष्ट केले.
