वाटाघाटीची पहिली बैठक! उद्धव ठाकरेंनीच घेतला पुढाकार

उद्धव ठाकरे आणि राज ठाकरे यांनी आज पावणे तीन तासांची एक महत्त्वाची बैठक घेतली. ही बैठक राज ठाकरे यांच्या शिवतीर्थ निवासस्थानी पार पडली. मुंबई महापालिका निवडणुकांच्या पार्श्वभूमीवर ही बैठक खूप महत्त्वाची आहे असे मानले जात आहे. बैठकीत शिवसेना आणि मनसे यांच्यातील संभाव्य युतीबाबत चर्चा झाल्याची माहिती आहे. उद्धव ठाकरे यांच्यासोबत संजय राऊत आणि अनिल परब हे नेते उपस्थित होते. मनसेचे नेते बैठकीची पुष्टी करताना अधिकृत चर्चा सुरू झाल्याचे म्हटले आहे. परंतु संजय राऊत यांनी अद्याप कोणतीही अधिकृत माहिती दिली नाही. दसरा मेळाव्यात या युतीची अधिकृत घोषणा होण्याची शक्यता वर्तवली जात आहे.