अभिनयाचं विद्यापीठ, ट्रॅजेडी किंग म्हणून ओळख असणारे आणि अनेक पिढ्यांवर अधिराज्य गाजवणारे ज्येष्ठ अभिनेते दिलीप कुमार यांचे आज वृद्धापकाळाने निधन झाले. सर्वच क्षेत्रातील दिग्गजांनी दिलीप कुमारांना श्रद्धांजली वाहिली. पंतप्रधान मोदींपासून ते राष्ट्रवादीचे अध्यक्ष शरद पवार असे सारेच दिलीप कुमारांच्या आठवणीत भावुक झाले. सांस्कुतीक विश्वाचं मोठं नुकसान झालं असं मोदी म्हणाले. तर भारताने आपला महानायक गमावला या शब्दात पवारांनी दिलीप यांना श्रद्धांजली वाहितली. भारतीय चित्रपटसृष्टीला समृद्ध करणारा रुपेरी नभांगणातला लखलखता तारा निखळला…, अशा भावना मुख्ममंत्री उद्धव ठाकरे यांनी व्यक्त केल्या.