अरुण गवळींची कन्या योगिता गवळी मनपा रिंगणात

अरुण गवळी यांची कन्या योगिता गवळी आगामी बृहन्मुंबई महानगरपालिका (BMC) निवडणुकीच्या रिंगणात उतरणार असल्याची माहिती समोर आली आहे. भायखळा येथील प्रभाग क्रमांक 207 मधून त्या निवडणूक लढवतील, असे बोलले जात आहे. गवळी कुटुंबातून पालिकेच्या निवडणुकीत उतरण्याची ही पहिलीच वेळ नाही. यापूर्वी अरुण गवळींच्या भावजयी वंदना गवळी आणि त्यांची थोरली कन्या गीता गवळी यांनीही पालिका निवडणूक लढवली आहे. आता योगिता गवळी यांच्या उमेदवारीमुळे भायखळा परिसरातील राजकीय वातावरण तापण्याची शक्यता आहे. याशिवाय नाशिकमध्ये जादूटोण्याची भीती दाखवत एका महिलेवर अत्याचार आणि फसवणूक झाल्याचा धक्कादायक प्रकार समोर आला आहे.