काय बोलता! टोयोटाच्या स्वस्त कारमध्ये मिळणार 6 एअरबॅग्ज, जाणून घ्या

टोयोटाची कार विक घेणार असाल तर ही बातमी नक्की वाचा. कारण, एक आनंदाची बातमी आहे. आता तुम्हाला कारमध्ये 6 एअरबॅग्ज मिळणार आहेत. चालक आणि प्रवासी या दोघांच्याही सुरक्षेत सुधारणा करण्याच्या उद्देशाने सहा एअरबॅग आणण्याचा निर्णय घेण्यात आला आहे. पण, या एअरबॅग्ज नेमक्या कोणत्या व्हेरियंटमध्ये मिळणार आहे, याची माहिती पुढे जाणून घ्या.

टोयोटा किर्लोस्कर मोटरने आपली प्रीमियम हॅचबॅक ग्लॅंझा सुरक्षा आणि शक्तिशाली फीचर्ससह अपडेट केली आहे. ग्लॅन्झाच्या सर्व व्हेरियंटमध्ये आता तुम्हाला 6 एअरबॅग्ज मिळतील. चालक आणि प्रवासी या दोघांच्याही सुरक्षेत सुधारणा करण्याच्या उद्देशाने सहा एअरबॅग आणण्याचा निर्णय घेण्यात आला आहे. यामुळे ग्लॅन्झा उच्च श्रेणीतील अनेक मॉडेल्सच्या रांगेत आहे, ज्यांनी आधीच व्यापक एअरबॅग कव्हरेज स्वीकारले आहे. या अपडेटद्वारे टोयोटाने आपल्या उत्पादन श्रेणीमध्ये सुरक्षिततेला प्राधान्य देण्याची आपली भूमिका अधिक मजबूत केली आहे.

टोयोटा ग्लॅंझा प्रेस्टीज पॅकेज

सेफ्टी अपग्रेडसोबतच टोयोटाने ‘प्रेस्टीज पॅकेज’ नावाचे नवीन मर्यादित कालावधीचे अ‍ॅक्सेसरी बंडलही बाजारात आणले आहे. 31 जुलैपर्यंत उपलब्ध असलेले हे पॅकेज वाहनाची स्टायलिंग आणि इन-केबिन अनुभव वाढविण्यासाठी डिझाइन करण्यात आले आहे. या पॅकेजमध्ये क्रोम-ट्रिम्ड बॉडी साइड मोल्डिंग, प्रीमियम डोअर व्हिझर, रियर लॅम्प आणि लोअर ग्रिल गार्निश, लाइटेड डोअर सिल्स आणि रियर स्किड प्लेटचा समावेश आहे. या अ‍ॅक्सेसरीज डीलरकडून बसवल्या जातात.

बलेनो प्लॅटफॉर्मवर आधारित टोयोटा ग्लॅंझा

मारुती सुझुकी बलेनो प्लॅटफॉर्मवर आधारित, ग्लॅन्झाने भारतीय बाजारपेठेत सातत्याने लोकप्रियता मिळवली आहे आणि स्थापनेपासून आतापर्यंत 2 लाखांहून अधिक युनिट्सची विक्री केली आहे. इंधन परफॉर्मन्स, कॉम्पॅक्ट आकार आणि फीचर रिच केबिनमुळे ती आता शहरी प्रवासी आणि पहिल्यांदाच कार खरेदी करणाऱ्यांना आकर्षित करत आहे.

टोयोटा ग्लॅंझा इंजिन

यांत्रिकदृष्ट्या, ग्लॅन्झामध्ये कोणतेही बदल नाहीत. यात 1.2 लीटर के-सीरिजपेट्रोल इंजिन देण्यात आले आहे, जे मॅन्युअल आणि ऑटोमॅटिक ट्रान्समिशन या दोन्ही पर्यायांमध्ये येते. हे सीएनजी व्हेरियंटमध्येही येते. एएमटी मॉडेलचे मायलेज 22.94 किमी प्रति लिटर आणि सीएनजी मॉडेलचे मायलेज 30.61 किमी/किलो आहे.

टोयोटा ग्लॅन्झाचे फीचर्स

टोयोटामध्ये 9 इंचाचा टचस्क्रीन, हेड-अप डिस्प्ले, 360 डिग्री कॅमेरा, टोयोटा आय-कनेक्टद्वारे कनेक्टेड कार फीचर आणि रियर एसी व्हेंट सारखे फीचर्स देण्यात आले आहेत.

टोयोटा ग्लांझा किंमत

अपडेटेड टोयोटा ग्लॅन्झाची सुरुवातीची किंमत 6.90 लाख (एक्स-शोरूम) आहे आणि टोयोटाच्या स्टँडर्ड 3-वर्ष /100,000 किमी वॉरंटीसह चालू आहे, जी 5 वर्ष / 220,000 किमीपर्यंत वाढविली जाऊ शकते.