ऐन विधानसभा निवडणुकीच्या तोंडावर ग्रामविकास मंत्री पंकजा मुंडे यांचा दसरा मेळावा आल्याने याला विशेष महत्त्व प्राप्त झालंय.
भगवान बाबा यांच्या जन्मगावी सावरगाव घाट येथे हा दसरा मेळावा पार पडणार आहे. केंद्रीय गृहमंत्री अमित शाह यांची प्रमुख उपस्थिती या मेळाव्यात असणार आहे.
भगवान गडावर पंकजा मुंडे यांच्या दसरा मेळाव्यास विरोध केल्यानंतर त्यांनी भगवान बाबांच्या जन्मस्थानी दसरा मेळाव्याला सुरुवात केली.
सावरगावातील यंदाच्या दसरा मेळाव्याचं हे तिसरं वर्ष आहे.
या ठिकाणी भगवान बाबांची 25 फुटांची मूर्ती बसवण्यात आली आहे.
एक दिवसावर येऊन ठेपलेल्या दसरा मेळाव्याची जय्यत तयारी सुरू आहे.
सध्या विधानसभेच्या निवडणुकांचे बिगुल वाजले असताना हा मेळावा होणार असल्याने सर्वांचे डोळे या ठिकाणी लागले आहेत.
केंद्रीय गृहमंत्री अमित शाहा यांच्या प्रमुख उपस्थितीत हा दसरा मेळावा होणार आहे.
राज्यातून पाच लाखांहून अधिक भाविक येणार असल्याची माहिती देण्यात आली आहे. यानिमित्ताने पंकजा मुंडे यांचं मोठं शक्तीप्रदर्शन पाहायला मिळणार आहे.
दिवंगत नेते गोपीनाथ मुंडे हे दसऱ्याला भगवानगडावर मेळावा घ्यायचे. पण त्यांच्या निधनानंतर पंकजा मुंडे यांच्या दसरा मेळाव्याला विरोध सुरु झाला. अखेर भगवानगडावरील दसरा मेळाव्याची पंरपरा तीन वर्षांपूर्वी खंडीत झाली.
पंकजा मुंडे यांनी भगवान बाबांच्या जन्मगावी भगवान भक्तीगडाची स्थापना केली आणि नवी परंपरा सुरु केली.