Maharashtra News LIVE : पवनराजे निंबाळकर हत्याकांडाची सुनावणी, 20 वर्षांनंतर आज लागणार निकाल ?
Maharashtra News LIVE : मुंबईतील रंगशारदा सभागृहात आज महाराष्ट्र नवनिर्माण सेना अर्थात मनसेचा मेळावा पार पडणार आहे. सकाळी 10 वाजता राज ठाकरे पदाधिकाऱ्यांना संबोधित करणार आहेत. यासह महाराष्ट्र, देश विदेश, क्रीड, मनोरंजन क्षेत्रातील बातम्यांचे ताजे अपडेट्स तुम्हाला या ब्लॉगमध्ये वाचायला मिळतील.
LIVE NEWS & UPDATES
-
पद्मसिंह पाटलांचे वकील कोर्टात दाखल
आज तब्बल 20 वर्षानंतर पवनराजे निंबाळकर हत्याकांडातील निकाल लागणार आहे. यादरम्यान कोर्टात खासदार ओमराजे निंबाळकर दाखल झाले. यावेळी पद्मसिंह पाटलांचे वकील कोर्टात दाखल झाले. निकाल लागल्यावरच यावर बोलणार असल्याचे त्यांनी म्हटले.
-
यवतमाळ- सोशल मीडियावर शिंदे शिवसेनेकडून बंडखोर खासदारांच्या स्वागताच्या पोस्ट
यवतमाळ- सोशल मीडियावर शिंदे शिवसेनेकडून बंडखोर खासदारांच्या स्वागताच्या पोस्ट झळकल्या. यवतमाळ वाशीम लोकसभा मतदारसंघाचे खासदार संजय देशमुख यांच्या स्वागत मतदार संघाच्या विकासासाठी घेतलेल्या निर्णयाबद्दल हार्दिक स्वागत, अश्या आशयाच्या पोस्ट व्हायरल झाल्या आहेत. पोस्ट वर एकनाथ शिंदे, श्रीकांत शिंदे संजय राठोड यांचे फोटो आहेत.
-
-
केंद्रीय गृहमंत्री अमित शाह यांचा महाराष्ट्र दौरा; कोल्हापुरात विविध कार्यक्रमांना राहणार उपस्थित
केंद्रीय गृहमंत्री अमित शाह आज महाराष्ट्रात असून ते कोल्हापूर दौऱ्यावर आहेत. महालक्ष्मी मंदिर परिसरातील विविध कार्यक्रमांमध्ये ते सहभागी होणार आहेत.
-
बंडखोर खासदारांचा ऑपरेशन टायगरनंतरचा पहिला फोटो समोर
बंडखोर खासदारांचा ऑपरेशन टायगरनंतरचा पहिला फोटो समोर आला आहे. फोटोत अष्टीकर, संजय देशमुख, संजय दिना पाटील हे शिवसेनेचे राष्ट्रीय समन्वयक अभिषेक वर्मांसोबत फोटोमध्ये दिसत आहेत.
-
नाशिक – सारडा सर्कल परिसरातील अतिक्रमणावर महापालिकेचा बुलडोझर
नाशिक – सारडा सर्कल परिसरातील अतिक्रमणावर महापालिकेची बुलडोझर कारवाई, आज सकाळपासून पुन्हा एकदा अतिक्रमण काढायला सुरुवात झाली. गेल्या अनेक वर्षांपासून केलेल्या अतिक्रमणावर अखेर बुलडोझर फिरवण्यात आला. वारंवार नोटीस देऊन देखील अतिक्रमण न काढल्याने महापालिकेने कारवाई केली असून पोलिसांचा मोठा बंदोबस्त तैनात करण्यात आला आहे.
-
-
बीड – माजलगाव येथील अजित पवारांच्या राष्ट्रवादीच्या नगरसेविका रेखा अंबुरे-सरोदे यांचे कुणबी जात प्रमाणपत्र रद्द.
बीड – माजलगाव येथील अजित पवारांच्या राष्ट्रवादीच्या नगरसेविका रेखा अंबुरे-सरोदे यांचे कुणबी जात प्रमाणपत्र रद्द. कुणबी जात प्रमाणपत्र दाखल करून नगरसेवक पदाची निवडणूक लढवली, वार्ड क्रमांक एक मधून त्या निवडून आल्या होत्या. मात्र सुमन मुंडे यांनी आक्षेप घेत तक्रार केली, एकाच नोंदीच्या आधारे दोन आडनावाच्या लोकांना प्रमाणपत्र दिल्याचा त्यांनी दावा केला होता. त्यानंतर उपविभागीय अधिकाऱ्यांनी दिलेले प्रमाणपत्र सध्या रद्द करण्यात आलं आहे.
-
राजकीय विरोधक भाजप आमदार राणाजीसिंह पाटील यांच्या मतदारसंघात ओमराजेंच्या स्वागतासाठी बॅनर्स
धाराशिव – एकीकडे खासदार ओमराजे निंबाळकर यांच्या पक्षप्रवेशाच्या चर्चा सुरू आहे. तर दुसरीकडे त्यांचे राजकीय विरोधक भाजप आमदार राणाजीसिंह पाटील यांच्या मतदारसंघात तुळजापूर शहरात ओमराजे निंबाळकर यांचे शिंदे शिवसेना पक्षात स्वागताचे बॅनर लागले आहेत. वाघ चालला वाघाच्या कळपात असा मजकूर बॅनरवर आहे. शिंदे शिवसेनेचे तुळजापूर तालुकाप्रमुख अमोल जाधव या पदाधिकाऱ्यांनी खासदार ओमराजे निंबाळकर यांच्या स्वागताचे बॅनर लावले .
-
-
NEET परीक्षेची पुणे पोलिसांकडून जोरदार तयारी, मोठा पोलीस बंदोबस्त तैनात
NEET परीक्षेसाठी पुणे पोलिसांकडून जोरदार तयारी करण्यात आली आहे. पेपर फुटीमुळे रद्द झालेला NEET चा पेपर उद्या पुन्हा होणार आहे. NEET पेपर फुटी प्रकरणा नंतर पुणे पोलीस अलर्ट मोडवर आहेत. उद्या होणाऱ्या NEET पेपर साठी मोठा पोलीस बंदोबस्त, पुणे पोलिसांकडून 1000 हजार पोलीस अधिकारी आणि कर्मचारी तैनात असतील. पुणे शहरात NEET परीक्षेचे एकूण 27 सेंटर्स असून सर्व सेंटरवर पुणे पोलिसांचा तगडा बंदोबस्त असेल.
पवन राजे मिंबाळकर हत्याकांडाची आज सुनावणी होणार असून निकाल जाहीर होण्याची शक्यता आहे. डॉ. पद्मसिंह पाटील यांच्यासह सर्व आरोपींना न्यायालयात हजर राहण्याचे आदेश देण्यात आले आहेत. पवन राजे निंबाळकर हे खासदार ओमराजे निंबाळकर यांचे वडील होते. ओमराजे निंबाळकर मुंबईच्या दिशेने रवाना झाले असून आजच्या निकालाकडे सर्वांचे लक्ष लागले आहे. दरम्यान मुंबईतील रंगशारदा सभागृहात आज महाराष्ट्र नवनिर्माण सेना अर्थात मनसेचा मेळावा पार पडणार आहे. सकाळी 10 वाजता राज ठाकरे पदाधिकाऱ्यांना संबोधित करणार, राज ठाकरेंच्या भाषणाकडे सर्वांचे लक्ष लागले आहे. तर NEET परीक्षेसाठी पुणे पोलिसांकडून जोरदार तयारी करण्यात आली आहे. उद्या देशभरात NEET ची पुनर्परीक्षा आहे. पेपर फुटीमुळे रद्द झालेला NEET चा पेपर उद्या पुन्हा होणार असून त्या पार्अशवभू्ीवर पोलीस अलर्ट असून मोठा पोलीस बंदोबस्त तैनात करण्यात आला आहे. यासह राज्यातील इतर महत्त्वाच्या घडामोडी आणि अपडेट इथं वाचा.
Published On - Jun 20,2026 9:04 AM
