Maharshtra News LIVE : राहुल गांधींनंतर CM देवेंद्र फडणवीस हजारो तरुणांशी संवाद साधणार
Maharshtra News LIVE : देशातील सर्व वरिष्ठ राजकीय नेत्यांनी आता त्यांचा मोर्चा जेन-झी , जेन-अल्फा वर्गाकडे वळवला आहे. राहुल गांधी यांच्यानंतर आता मुख्यमंत्री फडणवीस देखील आज तरुणांशी नागपुरात संवाद साधणार आहेत. यासह राज्यातील इतर महत्त्वाच्या घडामोडी, देश-विदेशातील, क्रीडा आणि मनोरंजन क्षेत्रातील इतरही अपडेट्स जाणून घेण्यासाठी हा ब्लॉग फॉलो करा.
LIVE NEWS & UPDATES
-
मुंबईच्या जुहू परिसरात भीषण अपघात; शाळकरी मुलीला उडवले
मुंबईच्या जुहू परिसरात भरधाव दुचाकीने 15 वर्षीय शाळकरी मुलीला उडवल्याची धक्कादायक घटना समोर आली आहे. ही मुलगी भारतीय वंशाची अमेरिकन नागरिक असून जुहूतील एका नामांकित शाळेत इयत्ता 10 वी मध्ये शिकते. 18 ऑगस्ट रोजी सकाळी 8.15 वाजता जुहूच्या NS रोडवर ट्युशन संपवून ती शाळेत जाण्यासाठी घराकडे जात असताना भरधाव वेगात आलेल्या दुचाकीने तिला जोरदार धडक दिली. धडकेनंतर ती रस्त्यावर फेकली गेली.
-
लालबागच्या उड्डाणपुलावर ‘ग्रीन कव्हर’
लालबागच्या उड्डाणपुलावर ‘ग्रीन कव्हर’ची खबरदारी घेण्यात आली आहे. गणपती आगमनाआधी लालबागमध्ये ‘ग्रीन कव्हर’ टाकण्यात आलं आहे. मुंबई महापालिका पोलिसांनी ही उपयोजना केली आहे. गणपती आगमन विसर्जनातील अति गर्दीला आता शिस्त येणार. परळ कार्यशाळेसमोरील रस्ते दुभाजककही झाकले.
-
-
एक रुपयांची भाडेवाढ म्हणजे चेष्टा;दरवाढीविरोधात कल्याणमधील रिक्षाचालक आक्रमक
“एक रुपयांची भाडेवाढ म्हणजे चेष्टा असून दरवाढीविरोधात कल्याणमधील रिक्षाचालक आक्रमक झाले आहेत. २ रुपये वाढीची मागणी द्यावी. मान्य न झाल्यास उग्र आंदोलनाचा इशारा रिक्षा चालकांनी दिला आहे. परिवहन, एमएमआरटीएच्या एक रुपयांच्या भाडेवाढीला कल्याणमधील रिक्षा चालक-मालक संघटना आणि रिक्षाचालकांनी तीव्र विरोध केला आहे
-
बीडमध्ये भटक्या कुत्र्याची चिमुकलीवर जीवघेणी झडप, घटना सीसीटीव्हीत कैद
बीड शहरातील शिवतेज नगरमधील रेणू हॉस्पिटल परिसरात घराबाहेर खेळत असलेल्या शिवांशी रामेश्वर घोलप या चिमुकलीवर भटक्या कुत्र्याने हल्ला केला. कुत्र्याने तिच्या गालाचा अक्षरशः चावा घेत लचके तोडले. चिमुकलीच्या किंकाळ्या ऐकून शेजाऱ्यांनी धाव घेतली आणि कुत्र्याच्या तावडीतून तिची सुटका केली. या हल्ल्याची संपूर्ण घटना सीसीटीव्हीत कैद झाली आहे.
काँग्रेस नेते राहुल गांधी यांच्यानंतर आता नागपुरात मुख्यमंत्री देवेंद्र फडणवीस आज हजारो युवकांशी संवाद साधणार आहेत. 1 महिन्यापासून सुरू असलेल्या मंथन 4 युवा अभियानाचा आज मुख्यमंत्री देवेंद्र फडणवीस यांच्या उपस्थितीत समारोप होणार आहे. यावेळी मुख्यमंत्री जेन झी , अल्फा त्याच प्रमाणे वेगवेगळ्या क्षेत्रातील युवकांशी संवाद साधणार आहे. नागपुरातील रेशीमबाग मैदानावर या कार्यक्रमाचे आयोजन करण्यात आले. या समारोहाचे मुख्य आकर्षण म्हणजे यावेळी हजारो ढोल तासे वादक सामूहिक वादन करणार आहे. या वादानाचा जागतिक विक्रम केला जाणार आहे
Published On - Aug 23,2026 8:59 AM
