Maharashtra News LIVE : मुख्यमंत्र्यांच्या बैठकीनंतर नाशिकमध्ये अधिकारी ॲक्शन मोडवर

मुख्यमंत्री देवेंद्र फडणवीसांच्या बैठकीनंतर नाशिकमध्ये अधिकारी ॲक्शन मोडवर आले आहेत. कुंभमेळ्याच्या पार्श्वभूमीवर सुरू असलेली कामं आणि शहरातील खड्ड्यांच्या प्रश्नावर मुख्यमंत्र्यांनी बैठक घेतल्यानंतर प्रशासन ॲक्शन मोडवर आलं आहे. नाशिक महापालिका आयुक्त, कुंभमेळा आयुक्त, पोलीस आयुक्तांसह संबंधित अधिकाऱ्यांकडून शहरातील सुरू असलेल्या कामांची पाहणी करण्यात आली. रस्त्यांची कामं वेगाने पूर्ण करण्याचे निर्देश कंत्राटदारांना महापालिका आयुक्त मनीषा खत्री यांनी दिले आहेत. किमान 1 लेन सुरू होईल या अनुषंगाने 31 ऑगस्टपर्यंत रस्त्यांची कामं पूर्ण करण्याचे टार्गेट देण्यात आले आहे. द्वारका परिसरातील वाहतूक कोंडी सोडवण्यासाठी 31 ऑगस्टपर्यंत एक लेन सुरू करण्याचं नियोजन आहे. त्र्यंबक रोडवरील कामेही वेगाने पूर्ण करून वाहतूक सुरळीत करण्याचे निर्देश आयुक्तांनी दिले आहेत. यासह राज्यातील, देश-विदेशातील, क्रीडा-मनोरंजन क्षेत्रातील आणि इतरही बातम्या जाणून घेण्यासाठी हा ब्लॉग फॉलो करा.