Maharashtra News LIVE : शिवसेनेच्या धनुष्यबाण चिन्हाबाबत आज सुप्रीम कोर्टात सुनावणी; निर्णयाकडे सर्वांचं लक्ष

राज्यात सुरू असलेल्या मतदार याद्यांची विशेष सखोल फेरतपासणी (SIR) मोहिमेत तात्पुरत्या स्थलांतरित मतदारांना आता त्यांच्या मूळ ठिकाणीच एसआयआरची प्रक्रिया पूर्ण करण्यास परवानगी देण्यात आली आहे. त्यामुळे मुंबई, ठाणे, पुणे, नागपूर अशा मोठ्या शहरांतील पुनर्विकास प्रकल्पांमुळे स्थलांतरित झालेल्या लाखो मतदारांना दिलासा मिळाला आहे. केंद्रीय निवडणूक आयोगाकडून राज्यातील मतदार याद्यांची विशेष सखोल फेरतपासणी मोहीम राबविण्यात येत आहे. तर दुसरीकडे बिहारमधील बांकीपूर मतदारसंघातील पोटनिवडणुकीत भाजपचा पराभव झाला आहे. यामुळे पक्षाचे नवनियुक्त राष्ट्रीय अध्यक्ष नितीन नवीन यांना जबरदस्त धक्का बसला आहे. याठिकाणी जनसुराज पक्षाचे संस्थापक प्रशांत किशोर यांनी पक्षाचा आणि स्वत:चा पहिला विजय मिळवला आहे. यासह राज्यातील, देश- विदेशातील, क्रीडा, मनोरंजन आणि इतर क्षेत्रातील विविध घडामोडी जाणून घेण्यासाठी हा ब्लॉग फॉलो करा.