Maharashtra News LIVE : मराठा आरक्षणाबाबत रात्री 2 वाजेपर्यंत ‘वर्षा’वर झाली बैठक
Maharashtra News LIVE : मराठा आरक्षणाच्या मागणीसाठी मनोज जरांगे पाटील उपोषणाला बसले आहेत. त्यांच्या उपोषणाचा आज अकरावा दिवस आहे. आरक्षणाबाबत सोमवारी रात्री उशिरापर्यंत वर्षा या निवासस्थानी बैठक झाली.
LIVE NEWS & UPDATES
-
रोहित पवारांचा प्रफुल पटेल यांच्या बालेकिल्ल्यात एल्गार
शेतकऱ्यांच्या विविध मागण्यांना घेऊन रोहित पवार यांचा प्रफुल पटेल यांच्या बालेकिल्ल्यात एल्गार करणार आहेत. मोरगाव अर्जुनी आणि तिरोड्यात आज भव्य आक्रोश मोर्चा आयोजित करण्यात आला आहे. रोहित पवार सत्ताधारी पक्षांवर काय टीका करतात याकडे लक्ष लागलं आहे. रोहित पवारांनी काल पुण्यातही विद्यार्थी मोर्चाला हजेरी लावली.
-
नाशिक- मंडप शुल्कातून गणेश मंडळांची सुटका
नाशिक- मंडप शुल्कातून गणेश मंडळांची सुटका झाली आहे. महापालिकेने मोठा निर्णय घेतला आहे. गणेशोत्सवासाठी मंडप उभारणीसाठी आकारण्यात येणारं शुल्क माफ करण्यात आलं. सध्याच्या आर्थिक परिस्थितीत उत्सव आयोजनाचा खर्च वाढल्याने निर्णय घेण्यात आला आहे. गणेश मंडळांना आर्थिक दिलासा देण्यासाठी महापालिकेचा निर्णय आहे.
-
-
नाशिक पोलीस आणि सार्वजनिक गणेश मंडळांच्या पदाधिकाऱ्यांची आज बैठक
नाशिक पोलीस आणि सार्वजनिक गणेश मंडळांच्या पदाधिकाऱ्यांची आज बैठक आहे. भद्रकाली पोलीस ठाण्यात सकाळी १० वाजता बैठकीला सुरुवात होणार आहे. गेल्या काही दिवसांपासून गाजत असलेल्या DJ च्या मुद्द्यावर आज काय निर्णय होतो याकडे लक्ष लागून आहे. नाशिकमध्ये डीजे वाजणार का नागपूर आणि सोलापूर प्रमाणे डीजे वर बंदी घालणार याकडे लक्ष आहे.
-
नाशिकमध्ये आज मराठा संघटनांची राज्यस्तरीय महत्त्वाची बैठक
नाशिकमध्ये आज मराठा संघटनांची राज्यस्तरीय महत्त्वाची बैठक आहे. SEBC आरक्षणाच्या मुद्द्यावर मराठा संघटना आक्रमक झाली आहे. ज्यांच्या कुणबी नोंदी नाहीत, त्यांना SEBC मधूनच आरक्षण मिळतो. सरकारने SEBC आरक्षण टिकवून ठेवावं असा आग्रह मराठा संघटनांचा आहे. मराठा समाजाचे SEBC आरक्षण घालवण्याचा प्रयत्न सुरू असल्याचा आरोप आहे.
-
सोमवारी रात्री उशिरापर्यंत वर्षा निवासस्थानी मराठा आरक्षणाबाबत चर्चा
काल रात्री उशिरापर्यंत वर्षा निवासस्थानी मराठा आरक्षणाबाबत चर्चा झाल्याची सूत्रांची माहिती आहे. वर्षावरील बैठक रात्री दोन वाजता संपली. या बैठकीत प्रामुख्याने मराठा समाजाला न्याय देण्यासाठी चर्चा झाली. तसंच मराठा समाजाला न्याय देताना ओबीसीवर अन्याय होणार नाही हा मुद्दा प्रामुख्याने चर्चेत आला आहे. बैठकीला मुख्यमंत्री, उपमुख्यमंत्री एकनाथ शिंदे, चंद्रशेखर बावनकुळे, उदय सामंत, राधाकृष्ण विखे पाटील, अतुल सावे,रविंद्र चव्हाण, प्रसाद लाड हे नेते उपस्थित होते.
-
सोमवारी रात्री उशिरापर्यंत वर्षा निवासस्थानी मराठा आरक्षणाबाबत चर्चा झाल्याची सूत्रांची माहिती आहे. वर्षावरील बैठक रात्री दोन वाजता संपली. या बैठकीत प्रामुख्याने मराठा समाजाला न्याय देण्यासाठी चर्चा झाली. तसंच मराठा समाजाला न्याय देताना ओबीसीवर अन्याय होणार नाही हा मुद्दा प्रामुख्याने चर्चेत आहे. बैठकीला मुख्यमंत्री, उपमुख्यमंत्री एकनाथ शिंदे, चंद्रशेखर बावनकुळे, उदय सामंत, राधाकृष्ण विखे पाटील, अतुल सावे,रविंद्र चव्हाण, प्रसाद लाड हे नेते उपस्थित होते. तर दुसरीकडे मनोज जरांगे पाटलांच्या आमरण उपोषणाला नांदेडच्या दोन आमदारांनी पाठिंबा दर्शविला आहे. शिवसेना शिंदे गटाचे नांदेड उत्तर विधानसभेचे आमदार बालाजी कल्याणकर आणि नांदेड दक्षिण विधानसभेचे आमदार आनंदराव बोंढारकर यांनी मराठा आरक्षणाला पाठिंबा दर्शविला आहे. यासह राज्यातील, देश-विदेशातील, क्रीडा आणि मनोरंजन क्षेत्रातील अपडेट्स जाणून घेण्यासाठी हा ब्लॉग फॉलो करा.
Published On - Sep 08,2026 8:48 AM
