ZP Panchayat Samiti Election 2026 Voting LIVE : कोंडी जिल्हा परिषद गटात उमेदवाराकडून मतदान केंद्राची पूजा
Zilla Parishad Panchayat Samiti Election 2026 Voting LIVE in Marathi : राज्यातील 12 जिल्हा परिषदा आणि 125 पंचायत समितींच्या निवडणुका आज होत असून थोड्याच वेळात मतदानाला सुरूवात होईल. निवडणूक आयोग पूर्णपणे सज्ज असून सोमवारी ( 9 फेब्रुवारी) मतमोजणी होऊन निकाल जाहीर होईल.
LIVE NEWS & UPDATES
-
दौंडचे भाजपा आमदार राहुल कुल बजावला मतदानाचा हक्क…
राहु येथील मतदान केंद्रावरती आमदार राहुल कुल तसेच भाजपा महिला मोर्चाच्या प्रदेश उपाध्यक्ष कांचन कुल यांनी मतदान केले…
-
इंदापूर तालुक्यातील भरणेवाडी येथील मतदान केंद्रावरती मतदारांच्या रांगा
मतदानासाठी मतदारांचा उस्फुर्त प्रतिसाद. विकासाचे व्हिजन असलेला उमेदवार पाहून आम्ही मतदान करतोत सर्व मतदारांनी मतदानाचा हक्क बजावला पाहिजे अशी प्रतिक्रिया मतदार व्यक्त करत आहेत…
-
-
शिवसेनेचे खासदार संदिपान भुमरे पाचोड मतदान केंद्रावर दाखल
जिल्हा परिषद पंचायत समिती निवडणुकीसाठी खासदार संदिपान भुमरे करणार मतदान. पाचोड जिल्हा परिषद गटातून खासदार भुमरे यांचे पुतणे शिवराज भुमरे आहेत उमेदवार
-
करमाळा तालुक्यातील पाथुर्डी येथील 224 मतदान केंद्रावर मशीन बंद
मशीन सुरू न झाल्याने अद्याप मतदान केंद्रावर मतदान अद्याप सुरू नाही. मतदान केंद्रावरून आढावा घेतलाय आमचे प्रतिनिधी शितलकुमार मोटे यांनी..
-
सोलापुरातील कोंडी जिल्हा परिषद गटात उमेदवाराकडून मतदान केंद्राची पूजा
शिवसेना ठाकरे गटाच्या कोंडी पंचायत समिती गणाचे उमेदवार सोमनाथ राऊत यांच्याकडून पूजा करण्यात आली. सोलापूर मध्ये झेडपीचे 68 आणि पंचायत समितीचे 136 गणासाठी मतदान प्रक्रिया पार पडत आहे
-
-
करमाळा तालुक्यातील पाथुर्डी येथील 224 मतदान केंद्रावर मशीन बंद
मशीन सुरू न झाल्याने अद्याप मतदान केंद्रावर मतदान अद्याप सुरू नाही. नागरिकांची मोठी रांग मतदानाला लागल्याचे बघायला मिळत आहे.
-
मतदारसंघाच्या विकासासाठी मी लढत आहे- सक्षणा सलगर
कोणत्याही आमिषाला बळी न पडता निर्भयपणे सर्व मतदारांनी मतदान करावं आणि मी मतदारसंघाच्या विकासासाठी मी लढत आहे असे सक्षणा सलगर यांनी म्हटले आहे.
-
-
जिल्हा परिषद पंचायत समिती निवडणूकीसाठी गावी जायची धावपळ
पुण्यातील स्वारगेट बस स्थानकावर प्रवाशांची मोठी गर्दी. मतदानाला ग्रामीण भागात जाण्यासाठी प्रवासी निघाले. बस संख्या कमी असल्यामुळे प्रवाशांची घरी जाण्यासाठी तारांबळ. स्वारगेट बस स्थानक हाउसफुल
-
EVM मशिन बंद पडल्याने नागरिकांना मनस्ताप..
आज राज्यातील जिल्हा परिषद आणि पंचायत समितीच्या निवडणुकीचे मतदान होत असून काही भागात सकाळीच EVM मशिन बंद पडल्याची माहिती मिळत आहे.
-
कराडमधील चचेगावमध्ये EVM बंद
कराडमधील चचेगावमध्ये EVM बंद पडलं आहे. बूथ क्रमांक78 वरील मशीन बंद पडलं असून त्यामुळे मतदानाला उशीर होताना दिसत आहे.
-
त्नागिरी जिल्हा परिषद आणि 9 पंचायत समितींसाठी मतदानाला सुरुवात
रत्नागिरी जिल्हा परिषद आणि ९ पंचायत समितींसाठी मतदानाला सुरुवात झाली आहे. रत्नागिरी जिल्हा परिषदेसाठी 56 गटांसाठी 151 उमेदवार, तर 9 पंचायत समितीच्या 112 जागांसाठी 321 उमेदवार रिंगणात आहेत. 1693 मतदान केंद्रावर मतदान होणार असून , 4286 मतदान यंत्रं आहेत. जिल्ह्यात 11लाख 73 हजार 899 मतदार आहेत.
-
सांगली – जिल्हा परिषद,पंचायत समिती निवडणुकीसाठी मतदानास सुरुवात
सांगली जिल्हा परिषद निवडणुकीसाठी आज मतदान प्रक्रिया पार पडत आहे. जिल्हा परिषदच्या 61 जागासाठी 211 जण रिंगणात आहेत. तर पंचायत समिती 122 जागासाठी 327 उमेदवार रिंगणात आहेत. जिल्हा परिषद आणि पंचायत समितीसाठी 18 लाख 18 हजार 742 मतदार आपला मतदानाचा हक्क बजावणार आहेत. या मतदान प्रक्रियेसाठी 2 हजार 39 मतदान केंद्रे आणि 9 हजार कर्मचारी मतदान प्रक्रियेसाठी नियुक्त करण्यात आले आहेत.
-
भरणेवाडी, इंदापूर – जिल्हा परिषद ,पंचायत समिती मतदानाला सुरुवात
भरणेवाडी, इंदापूर येथे जिल्हा परिषद ,पंचायत समिती मतदानाला सुरुवात झाली. इंदापूर तालुक्यातील भरणेवाडी येथील मतदान केंद्रावरती राज्याचे कृषिमंत्री दत्तात्रेय भरणे मतदानाचा हक्क बजावणार आहेत. मतदान केंद्रावरती मतदान प्रक्रियेला सुरुवात झाली आहे.
-
उपमुख्यमंत्री सुनेत्रा पवार मतदानासाठी हजर
राज्याच्या उपमुख्यमंत्री सुनेत्रा पवार या काटेवाडी मतदान केंद्रावर मतदानासाठी दाखल झाल्या आहेत. अनेक कार्यकर्ते त्यांच्यासोबत आहेत. श्रीनिवास पवार, युगेंद्र पवार हे आधीपासूनच तेथील मतदान केंद्रावर आले होते.
-
धाराशिव जिल्हा परिषद, आणि आठ पंचायत समितीसाठी आज मतदान प्रक्रिया
धाराशिव जिल्हा परिषद, आणि आठ पंचायत समितीसाठी आज मतदान होत आहे. जिल्ह्यातील 11 लाख 45 हजार 888 मतदार हे मतदानाचा हक्क बजावणार आहेत. यासाठी प्रशासनाने मोठी तयारी केली असून 1308 मतदान केंद्रांवर आज मतदान होणार आहे. अनेक दिग्गज नेत्यांच्या प्रतिष्ठा पणाला लागल्या आहेत.
-
मतदान प्रक्रियेत हुल्लडबाजीकेली तर प्रभावी कायदेशीर कारवाई करणार – पोलीस अधीक्षकांचा इशारा
छत्रपती संभाजीनगर – मतदान प्रक्रियेत हुल्लडबाजी केली तर प्रभावी कायदेशीर कारवाई करणार असा इशारा छत्रपती संभाजीनगर ग्रामीणचे पोलीस अधीक्षक विनयकुमार राठोड यांनी दिला आहे. जिल्हा परिषद पंचायत समिती निवडणुकीसाठी 5 हजार पोलीस अधिकारी-कर्मचारी व होमगार्डचा तगडा बंदोबस्त तैनात करण्यात आला आहे.
-
जिल्हा परिषद, पंचायत समित्यांसाठी आज मतदान
राज्यभरातील 12 जिल्हा परिषद आणि 125 पंचायत समित्यांसाठी आज मतदान होत आहे. 7 हजार 438 उमेदवार निवडणुकीच्या रिंगणात आहेत. मतदानासाठी निवडणूक यंत्रणाही सज्ज असून पोलिस बंदोबस्त तैनात करण्यात आला आहे.
Zilla Parishad Election : महाराष्ट्रातील 12 जिल्हा परिषदा आणि त्याअतंर्गतच्या 125 पंचायत समित्यांची सार्वत्रिक निवडणूक आज पार पडत असून थोड्याच वेळात मतदानाला सुरूवात होणार आहे. आधी 5 फेब्रुवारी रोजी मतदान होणार होतं, मात्र ते पुढे ढकलून 7 तारेखला मतदान तर 9 फेब्रुवारी (सोमवार) मतमोजणी पार पडणार आहे. रायगड, रत्नागिरी, सिंधुदुर्ग, पुणे, सातारा, सांगली, सोलापूर, कोल्हापूर, छत्रपती संभाजीनगर, परभणी, धाराशिव आणि लातूर या 12 जिल्हा परिषदा आणि त्यांतर्गतच्या 125 पंचायत समित्यांसाठी आज मतदान होत आहे. आज जिल्हा परिषदेच्या 731 तर पंचायत समित्यांच्या 1 हजार 462 जागांसाठी ही निवडणूक पार पडत आहे. यंदा 7 हजार 438 उमेदवार निवडणुकीच्या रिंगणात उतरले आहेत. संपूर्ण मिळून एकूण 2 कोटी 8 लाख 20 हजार 702 मतदार मतदानाचा अधिकार बजावतील. संध्याकाळी 5.30 वाजेपर्यंत मतदान करता येणार आहे. जिल्हा परिषदा व पंचायत समित्यांच्या निवडणुकांसाठी असलेल्या 25 हजार 471 मतदान केंद्रांची संख्या लक्षात घेऊन पुरेशा इलेक्ट्रॉनिक मतदान यंत्रांची (ईव्हीएम) व्यवस्था करण्यात आली आहे.
Published On - Feb 07,2026 7:26 AM
