Marathi News Photo gallery Ajay Devgn Drishyam 3 announcement Drishyam The Conclusion returns as Vijay Salgaonkar final chapter
Drishyam 3: विजय साळगावकरचा शेवटचा डाव, अजय देवगणचा ‘दृश्यम: द कन्क्लुजन’; दोन भागांनी वाढवलेलं गूढ आता संपणार
Drishyam 3: अजय देवगणच्या बहुप्रतिक्षित आणि बहुचर्चित 'दृश्यम' या चित्रपटाच्या तिसऱ्या भागाची अधिकृत घोषणा झाली आहे. यामध्ये अजयसोबत दोन तगड्या अभिनेत्यांची एण्ट्री झाली आहे.
स्वाती वेमूल |
Updated on: Aug 24, 2026 | 10:27 AM
Share
अजय देवगणच्या बहुप्रतिक्षित 'दृश्यम 3' (Drishyam 3) या चित्रपटासंदर्भात मोठी अपडेट समोर आली आहे. या चित्रपटाच्या निर्मात्यांनी आज (सोमवारी) सकाळी तिसऱ्या भागाची अधिकृत घोषणा केली आहे. आता हा चित्रपट 'दृश्यम: द कन्क्लुजन' या नावाने प्रेक्षकांच्या भेटीला येणार आहे. नावावरूनच हा भाग विजय साळगावकर आणि त्याच्या कुटंबाच्या कथेला निर्णयाक वळण देणार असल्याचे संकेत मिळत आहेत.
1 / 5
निर्मात्यांनी अजय देवगणचा एक पोस्ट शेअर करत चित्रपटाच्या नावाची घोषणा केली. पोस्टरमध्ये अजय देवगणचा चेहरा क्लोजअपमध्ये दाखवण्यात आला आहे. त्यावर 'मेरा सच मेरा सही सिर्फ मेरी फॅमिली है' अशी टॅगलाइन आहे. अजयनेही ही पोस्ट शेअर करत कुटुंबच आयुष्यात सर्वकाही असल्याचं सांगितलं आहे.
2 / 5
'दृश्यम: द कन्क्लुजन' हा चित्रपट येत्या 2 ऑक्टोबर 2026 रोजी चित्रपटगृहाच प्रदर्शित होणार आहे. या चित्रपटात अजय देवगण पुन्हा एकदा विजय साळगावकरच्या भूमिकेत दिसणार आहे. त्याच्यासोबत तब्बू, श्रिया सिरन, इशिता दत्त, प्रकाश राज, जयदीप अहलावत आणि रजत कपूर यांच्या भूमिका आहेत.
3 / 5
'दृश्यम'च्या पहिल्या भागापासूनच विजय साळगावकर त्याच्या कुटुंबाला वाचवण्यासाठी परिस्थितीचा सामना करताना दिसला. एका धक्कादायक घटनेनंतर त्याच्या कुटुंबाला कायद्याच्या कचाट्यातून वाचवण्यासाठी त्याने आखलेली योजना प्रेक्षकांच्या लक्षात राहिली. दुसऱ्या भागातही या कुटुंबावर भूतकाळाची सावली कायम राहिली आणि अनेक दडलेली रहस्ये पुन्हा समोर येण्याची शक्यता निर्माण झाली.
4 / 5
आता तिसऱ्या भागात 'द कन्क्लुजन' या नावामुळे विजय आणि त्याच्या कुटुंबाच्या या संघर्षाचा शेवट नेमका कसा होणार, याची उत्सुकता वाढली आहे. विजय पुन्हा एकदा पोलिसांना चकवणार की यावेळी त्याचं सत्य समोर येणार, हा मोठा प्रश्न आहे. या चित्रपटाचं शूटिंग डिसेंबरमध्ये सुरू झालं होतं. अजय देवगणच्या या फ्रँचाइजीला प्रेक्षकांचा मोठा प्रतिसाद मिळाल्याने तिसऱ्या भागाकडूनही मोठ्या अपेक्षा आहेत.
