Marathi News Photo gallery IPL 2026 jackpot to Vaibhav Suryavanshi Will BCCI take a big decision after a stormy innings in IPL may give chance into England tour as a member of team India
IPL 2026 Vaibhav Suryavanshi: आयपीएल हंगामाच्या पहिल्याच सामन्यात या 15 वर्षीय खेळाडूने कमाल दाखवली. त्याने 15 चेंडूत अर्धशतक ठोकले. या सामन्यात त्याने 5 षटकार आणि 4 चौकार ठोकले. त्याची कामगिरी पाहून कदाचित त्याची निवड एका मोठ्या दौर्‍यासाठी होऊ शकते.
Vaibhav Suryavanshi Team India: इंडियन प्रीमियर लिग (IPL 2026) मध्ये वैभव सूर्यवंशी या 15 वर्षांच्या खेळाडूची बॅट पुन्हा तळपली. सोमवारी राजस्थान रॉयल्सविरुद्ध चेन्नई सुपर किंग्सच्या सामन्यात त्याने कमाल दाखवली. त्याने चाहत्यांचे मन जिंकले. या सामन्यात तो अवघे 17 चेंडू खेळला. त्याने 15 चेंडूत अर्धशतक ठोकले. या सामन्यात त्याने 5 षटकार आणि 4 चौकार ठोकले.
1 / 6
वैभव सूर्यवंशीच्या फलंदाजीने कमाल केली. वैभवने या सामन्यात 52 धावा केल्या. त्याच्या खेळी आधारे रॉयल्सने हा सामना खिशात घातला. त्याची ही फलंदाजी पाहून इंग्लंडचा माजी कर्णधार मायकल वॉन पण आश्चर्यचकित झाला. त्याने BCCI ला सल्ला दिला आहे की, त्याला टीम इंडियामध्ये स्थान द्यावे.
2 / 6
वैभव सूर्यवंशी गेल्यावर्षीच्या आयपीएलपासून चर्चेत आला आहे. त्यावेळी तो अवघ्या 14 वर्षांचा होता. त्याने गुजरात टायटन्सविरोधात केवळ 35 चेंडूत शथक ठोकले होते. तर 19 वर्षांच्या आतील संघाच्या विश्वचषकात त्यांने इंग्लंड, ऑस्ट्रेलिया आणि दक्षिण आफ्रिकेविरोधात शतक ठोकले.
3 / 6
19 वर्षांच्या आतील संघाच्या विश्वचषकातील अखेरच्या सामन्यात वैभव सूर्यवंशीने केवळ 80 चेंडूत 175 धावा ठोकल्या. या सामन्यात त्याच्या तुफानी खेळीत 15 चौकार आणि 15 षटकारांचा समावेश आहे. आता आयपीएलमध्ये त्याने पुन्हा तुफान खेळी केल्यानंतर त्याला भारतीय संघात स्थान देण्याची मागणी करण्यात येत आहे.
4 / 6
क्रिकबजला दिलेल्या मुलाखतीत इंग्लंडचा माजी कर्णधार मायकल वॉन याने वैभव सूर्यवंशी हा मोठी कामगिरी करणारा खेळाडू असल्याचे सांगत त्याला भारतीय क्रिकेट संघात स्थान देण्याची मागणी केली आहे. आयपीएलच्या पहिल्याच सामन्यात त्याची खेळी एकदम सरस असल्याचे तो म्हणाला.
5 / 6
वैभव सूर्यवंशीला इंग्लंडच्या दौर्‍यात भारतीय संघात स्थान द्यावे अशी मागणी वॉन याने केली आहे. त्याचे क्रिकेटचे भविष्य उज्ज्वल असल्याचे त्याचे मत आहे. आता BCCI वैभवला आगामी दौऱ्यात स्थान देणार का याची चर्चा रंगली आहे. अनेक जण सचिन तेंडुलकरप्रमाणे त्याला लवकर संधी दिल्यास तो येत्या काही वर्षात मोठे रेकॉर्ड नावावर करेल असा विश्वास व्यक्त केला.
