Marathi News Photo gallery Krishnavataram part 1 hridayam box office collection day 3 earnings jumped by 95 percent challenge to raja shivaji bhooth bangla
‘राजा शिवाजी’ चित्रपटाला बॉक्स ऑफिसवर टक्कर; एका झटक्यात या चित्रपटाच्या कमाईत 95.7% वाढ
नुकताच प्रदर्शित झालेल्या या चित्रपटाला प्रेक्षकांकडून चांगला प्रतिसाद मिळतोय. हा प्रतिसाद पाहता थिएटर मालकांनीही शोज वाढवण्याचा निर्णय घेतला आहे. रितेश देशमुखच्या 'राजा शिवाजी' चित्रपटाच्या कमाईला यामुळे फटका बसू शकतो.
भगवान श्रीकृष्ण यांची कथा मोठ्या पडद्यावर आणलेल्या 'कृष्णावतारम: पार्ट 1 हृदयम' या चित्रपटाने थिएटरमध्ये दमदार कामगिरी करण्यास सुरुवात केली आहे. गुरुवारी हा चित्रपट मर्यादित शोजसह प्रेक्षकांच्या भेटीला आला. परंतु शुक्रवारी आणि शनिवारी प्रेक्षकांना थिएटर्सपर्यंत खेचण्यात 'कृष्णावतारम' यशस्वी ठरला. दमदार ट्रेलर आणि उत्तम गाणी यांमुळे या चित्रपटाने आधीच चर्चा घडवून आणली होती.
1 / 5
हार्दिक गज्जर दिग्दर्शित या चित्रपटाच्या कमाईत शनिवारी तब्बल 95.7 टक्क्यांची वाढ पहायला मिळाली. मर्यादित शोज, नवीन कलाकार असूनही गेल्या तीन दिवसांत या चित्रपटाने 3 कोटी 82 लाख रुपयांची कमाई केली आहे. भारतीय बॉक्स ऑफिसवर या चित्रपटाचं ग्रॉस कलेक्शन 4 कोटी 57 लाख रुपये इतकं झालं आहे.
2 / 5
'सॅकनिल्क'ने दिलेल्या वृत्तानुसार, गुरुवारी या चित्रपटाने फक्त 42 लाख रुपये कमावले होते. त्यानंतर शुक्रवारी थेट 1 कोटी 15 लाख रुपयांचा गल्ला जमवला. शनिवारी हा आकडा आणखी वाढला आणि तो 2 कोटी 25 लाख रुपयांवर पोहोचला. रविवारी कमाईत आणखी वाढ होण्याची शक्यता आहे. हा वाढता आकडा पाहता आता थिएटर मालकांनीही चित्रपटाला अधिक शोज देण्याचा निर्णय घेतला आहे.
3 / 5
पहिल्या दिवशी 'कृष्णावतारम पार्ट 1 हृदयम'चे देशभरात फक्त 510 शोज होते. दुसऱ्या दिवशी हा आकडा 1549 इतका झाला आणि तिसऱ्या दिवशी शोजमध्ये आणखी वाढ करण्यात आली. शनिवारी देशभरात या चित्रपटाचे 1713 शोज लावण्यात आले. सिद्धार्थ गुप्ता आणि सुष्मिता भट यांच्या मुख्य भूमिका असलेला हा चित्रपट आता फक्त हिंदी भाषेतच प्रेक्षकांच्या भेटीला आला आहे.
4 / 5
या चित्रपटाला आयएमडीबीवर 10 पैकी 7 रेटिंग मिळाली आहे. भगवान श्रीकृष्ण यांच्या आयुष्यातील एका विशिष्ट टप्प्यावर या चित्रपटाची कथा आधारित आहे. याचा दुसरा भागसुद्धा प्रेक्षकांच्या भेटीला येणार आहे. कृष्णावतारमच्या कमाईचा आकडा तरी लहान दिसत असला तरी शोजच्या हिशोबाने हा चित्रपट चांगली कामगिरी करत आहे.
