Marathi News Photo gallery NCP chief Sharad Pawar celebrates birthday today in Delhi Ajit Pawar met him with family
Sharad Pawar : पंतप्रधानपदाचं स्वप्न अपूर्णच… राजकारणातील चाणक्याचा आज 85 वा वाढदिवस, शरद पवारांना शुभेच्छा देण्यासाठी रीघ !
राष्ट्रवादी काँग्रेसचे सर्वेसर्वा, राज्यातीलच नव्हे तर देशातील ज्येष्ठ नेते शरद पवार यांचा आज 85 वा वाढदिवस आहे. गेल्या 6 दशकांपेक्षा अधिक काळ राजकारणात सक्रीय असलेल्या शरद पवार यांनी आपले स्थान किती महत्वाचे आहे हे वेळोवेळी दाखवून दिलं आहे.
manasi mande |
Updated on: Dec 12, 2024 | 11:03 AM
Share
राज्याच्याच नव्हे तर देशाच्या राजकारणातही एक मुख्य चेहरा असलेले शरद पवार आज दिल्लीत आहेत. तेथे त्यांच्या कुटुंबियांसह अनेक कार्यकर्त्यांनी, नेत्यांनीही त्यांची भेट घेतली.( Photos : Social Media)
1 / 7
राष्ट्रवादी काँग्रेसमध्ये उभी फूट पडल्यानंतर अजित पवार यांनी आज सोशल मीडियावर शरद पवार यांना शुभेच्छा दिल्या, तसेच दिल्लीतील निवासस्थानी जाऊन त्यांची भेटही घेतली. यावेळी सुनेत्रा पवार, युगेंद्र पवार, पार्थ पवारही उपस्थित होते.
2 / 7
दरम्यान पंतप्रधान नरेंद्र मोदी यांनीही आज शरद पवार यांना वाढदिवसानिमित्त शुभेच्छा दिल्या आहेत. त्यांनी सोशल मीडिया प्लॅटफॉर्म X वर ट्विट करत शरद पवारांना शुभेच्छा दिल्या.
3 / 7
1956 मध्ये शरद पवारांनी महाराष्ट्रातील प्रवरानगर येथे गोवा स्वातंत्र्यासाठी निषेध मोर्चा काढला. तरुण वयातच ते राजकारणात सक्रिय झाले. 1958 मध्ये पवारांनी युवक काँग्रेसमध्ये प्रवेश केला.
4 / 7
त्यांनी महाराष्ट्र युवक काँग्रेसमध्ये महत्त्वाची पदे भूषवत काँग्रेस पक्षात हळूहळू त्यांचं राजकीय वजन वाढवलं.
5 / 7
1967 मध्ये शरद पवार 27 वर्षांचे असताना बारामती मतदारसंघातून आमदार म्हणून निवडून आले. आमदार म्हणून त्यांनी महाराष्ट्रातील अनेक महत्वाच्या प्रश्नांना वाचा फोडोली. वयाच्या 38 व्या वर्षी, शरद पवार यांनी जनता पक्षासह सरकार स्थापन करण्यासाठी काँग्रेस सोडली. 1978 साली ते महाराष्ट्राचे सर्वात तरुण मुख्यमंत्री बनले.
6 / 7
1988 साली ते दुसऱ्यांदा मुख्यमंत्री बनले. एकूण 4 वेळा ते राज्याचे मुख्यमंत्री बनले. 1991 मध्ये नरसिंह राव यांच्या नेतृत्वाखालील केंद्र सरकारमध्ये शरद पवार पंतप्रधान हे संरक्षण मंत्री झाले. तर 2004 मध्ये ते यूपीए सरकारमध्ये केंद्रीय कृषीमंत्री झाले. पंतप्रधानपदाचं त्याचं स्वप्न मात्र अपूर्णच राहिलं.
