Photo | टीम इंडियाच्या ‘या’ 5 स्टार खेळाडूंचा वाढदिवस, तुमचा आवडता खेळाडू कोण?
या पाचही खेळाडूंनी आपल्या कामगिरीने छाप सोडली आहे.
sanjay patil |
Updated on: Dec 06, 2020 | 11:48 AM
टीम इंडियाच्या एकूण 5 खेळाडूंचा आज (6 डिसेंबर) वाढदिवस आहे. यामध्ये 4 आजी आणि 1 माजी खेळाडूचा समावेश आहे. यॉर्कर किंग जसप्रीत बुमराह, रवींद्र जडेजा, श्रेयस अय्यर, करुण नायर आणि रुदप्रताप सिंह अर्थात आरपी सिंह या पाच खेळाडूंचा वाढदिवस आहे.
1 / 6
यॉर्कर किंग जसप्रीत बुमराहने वयाची 27 वर्ष पूर्ण केली आहेत. बुमराहने 22 व्या वर्षी टीम इंडियाकडून पदार्पण केलं. सध्या घडीला बुमराह टीम इंडियाच्या गोलंदाजीचा कणा आहे. बुमराहचा जगातील सर्वोत्तम गोलंदाजांमध्ये गणना केली जाते. बुमराह टीम इंडियाच्या तिन्ही फॉर्मेटमधील स्टार गोलंदाज आहे. बुमराहने आपल्या यॉर्करच्या अचूक माऱ्याने भल्या भल्या फलंदाजांना बाद केलंय.
2 / 6
टीम इंडियाचा अष्टपैलू खेळाडू रवींद्र जाडेजा. जाडेजाला क्रिकेटविश्वात 'सर' या टोपणनावानेही ओळखले जाते. जाडेजा टीम इंडियासाठी गोलंदाजी, फलंदाजीसह फिल्डिंगमध्ये म्हत्वपूर्ण योगदान देत आला आहे. जाडेजाने वयाची 32 वर्ष पूर्ण केली आहेत. जाडेजाला क्रिकेट व्यतिरिक्त घोडस्वारी तसेच तलवारबाजी करण्याचा छंद आहे. सध्या टीम इंडिया ऑस्ट्रेलिया दौऱ्यावर आहे. दुखापतीमुळे जाडेजाला टी 20 मालिकेला मुकावं लागलं आहे.
3 / 6
मुंबईकर श्रेयस अय्यरचा आज 26 वा वाढदिवस आहे. श्रेयसने आपल्या क्रिकेट कारकिर्दीत अनेकदा उल्लेखनीय कामगिरी केली आहे. श्रेयस टीम इंडियासाठी चौथ्या क्रमांकावर खेळतो. श्रेयसने आपल्या नेतृत्वात आयपीएल स्पर्धेत दिल्ली कॅपिटल्स संघाला अंतिम सामन्यापर्यंत पोहचवण्याची कामगिरी केली. आपल्या नेतृत्वात संघाला अंतिम सामन्यात पोहचवणारा श्रेयस हा सर्वात युवा अर्थात तरुण कर्णधार ठरला आहे.
4 / 6
कर्नाटकचा आक्रमक फलंदाज करुण नायरचा आज 29 वा वाढदिवस आहे. वीरेंद्र सेहवागनंतर त्रिशतक ठोकणारा करुण हा दुसराच भारतीय फलंदाज आहे. मात्र यानंतरही करुणला टीम इंडियाकडून खेळण्याची संधी मिळाली नाही.
5 / 6
टीम इंडियाचा माजी वेगवान गोलंदाज रुदप्रताप सिंहने आज वयाची 35 वर्ष पूर्ण केली आहेत. आरपी सिंहने आपल्या क्रिकेट कारकिर्दीत टीम इंडियासाठी अनेकदा निर्णायक भूमिका पार पाडली. आरपीने 2 वर्षांपूर्वी आंतरराष्ट्रीय क्रिकेटमधून निवृत्ती घेतली होती.
