Marathi News Photo gallery What are the benefits to the body of walking just 1 kilometer every day? Find out.
दररोज केवळ १ किलोमीटर चालल्याने शरीराला कोणते फायदे होतात? जाणून घ्या
चालण्यासारखा सोपा आणि सुटसुटीत व्यायाम नाही. यासाठी तुम्हाला केवळ वेळ द्यावा लागेल, रोज एक किलोमीटर चालण्याने देखील आरोग्यास अनेक प्रकारचे लाभ मिळू शकतात. आहार तज्ज्ञ डॉ.गीतिका चोप्रा यांच्याकडून आपण याचे फायदे जाणून घेऊयात....
आजच्या धावपळीच्या युगात लोकांना व्यायामासाठी वेळ काढणे कठीण झाले आहे. कामाचा ताण, बैठी जीवनशैली आणि अनियमित आहारामुळे लोकांना कमी वयात अनेक आरोग्याचे त्रास सुरु होतात. त्यामुळे जर तुम्ही रोज एक किमी चालण्याची सवय लावी तर आरोग्यासाठी फायद्याचे होईल.
1 / 8
चालणे हा सर्वात सोपा व्यायामाचा प्रकार आहे. ज्यासाठी कोणत्याही उपकरणाची किंवा व्यायाम शाळेची गरज नाही. तुम्ही दैनंदिन कामातून वेळ काढून चालायला सुरुवात करु शकतो. नियमित चालल्याने शरीरच नाही तर मन ताजे आणि तवाणे होते.
2 / 8
आहार तज्ज्ञ डॉ.गीतिका चोप्रा यांच्यामते रोज केवळ एक किमी चालणे एक छोटी सुरुवात वाटू शकते. परंतू त्याचे नियमित पालन केले तर फायद्याचे ठरते. एवढ्या गोष्टीनेही शरीराला आवश्यक व्यायाम मिळू शकतो.
3 / 8
दररोज चालण्याने शरीरातील रक्ताभिसरण सुधारते. दीर्घकाळ एका जागी बसल्याने येणारा ताण कमी होऊ शकतो. यामुळे शरीर अधिक सक्रीय आणि उत्साही राहाते.
4 / 8
चालणे मानसिक आरोग्यसाठी देखील चांगले असते. चालल्याने शरीरातील एंडोर्फिन नावाचे हार्मोन्स स्रवते.त्यामुळे मन:स्थिती चांगली होते. दिवसातून काही मिनिटे चालण्याने मन ताजेतवाने होते. आणि थकवा कमी होतो.
5 / 8
वजन कमी करण्यासाठी केवळ एक किमी चालणे कदाचित पुरेसे नाही. साधारणपणे इतके चालण्याने ४० ते ६० कॅलरीज खर्च होतात. तुम्हाला वजन कमी करायचे असेल तर अधिक चालणे आणि संतुलित आहार घ्यावा लागेल.
6 / 8
हृदयाच्या आरोग्यासाठी रोज चालायला जाणे ही गोष्ट चांगली ठरते. याचा सर्वाधिक फायदा मिळण्यासाठी हळूहळू वेळ आणि अंतर वाढवणे गरजेचे असते. आपण दररोज ३० मिनिटे आणि ७००० पावले चालण्याचे लक्ष्य ठेवले पाहिजे.
7 / 8
एक किलोमीटर चालणे ही एक छोटीशी सुरुवात ठरु शकते. परंतू ते ही आरोग्यासाठी खूप महत्वाचे ठरु शकते. कालांतराने अंतर आणि वेळ वाढवून तुम्ही दिवसाला अधिक पावले चालण्यास शिकले पाहिजे.
