ENG vs IND : इंग्लंडने टॉस जिंकला, भारताची बॅटिंग, कर्णधार बदलला, प्लेइंग ईलेव्हनमध्ये 3 बदल, बुमराहबाबत मोठा निर्णय
England vs India 5th Test Toss And Playing 11 : अँडरसन-तेंडुलकर ट्रॉफी टेस्ट सीरिजमधील पाचव्या आणि अंतिम कसोटी सामन्यासाठी इंग्लंड आणि टीम इंडिया दोन्ही संघांनी प्लेइंग ईलेव्हनमध्ये बदल केले आहेत.
इंग्लंड विरुद्ध इंडिया यांच्यातील पाचवा आणि अंतिम कसोटी सामना हा लंडनमधील केनिंग्टन ओव्हलमध्ये आयोजित करण्यात आाला आहे. इंग्लंड या मालिकेत 2-1 ने आघाडीवर आहे. त्यामुळे इंग्लंडला हा सामना बरोबरीत राखल्यानंतरही मालिका विजयाची संधी आहे. तर दुसऱ्या बाजूला भारतासाठी हा सामना करो या मरो असा आहे. इंग्लंडला मालिका जिंकण्यापासून रोखायचं असेल तर भारताला कोणत्याही स्थितीत हा सामना जिंकणं महत्त्वाचं आहे. या सामन्याला भारतीय वेळेनुसार दुपारी 3 वाजून 30 मिनिटांनी सुरुवात होणार आहे. तर 3 वाजता टॉस होणं अपेक्षित होतं. मात्र पावसामुळे टॉसला 4 मिनिटं विलंब झाला. दुपारी 3 वाजून 4 मिनिटांनी टॉस झाला. इंग्लंडच्या बाजूने नाणेफेकीचा कौल लागला. कर्णधार ओली पोप याने फिल्डिंगचा निर्णय घेत भारताला बॅटिंगसाठी भाग पाडलं आहे.
इंग्लंडचा कर्णधार आऊट
इंग्लंड आणि टीम इंडिया दोन्ही संघांनी या पाचव्या सामन्यासाठी अंतिम 11 मध्ये भरभरुन बदल केले आहेत. या पैकी काही बदल हे दुखापतीमुळे करण्यात आले आहेत. इंग्लंडने सामन्याच्या 24 तासांआधीच प्लेइंग ईलेव्हन जाहीर केली होती. त्यानुसार नियमित कर्णधार बेन स्टोक्स याला खांद्याच्या दुखापतीमुळे पाचव्या सामन्यातून बाहेर व्हावं लागलं आहे.त्यामुळे स्टोक्सच्या जागी ओली पोप हा या सामन्यात इंग्लंडच्या नेतृत्वाची धुरा सांभाळणार आहे.
तसेच इंग्लंडने स्टोक्स व्यतिरिक्त वेगवान गोलंदाज जोफ्रा आर्चर, लियाम डॉसन आणि ब्रायडन कार्स या तिघांना डच्चू दिला आहे. इंग्लंडने जेकब बेथेल, गस एटकीन्सन, जेमी ओव्हरटन आणि जोश टंग यांना संधी दिली आहे.
टीम इंडियातही 4 बदल
दरम्यान भारतीय संघाच्या अंतिम 11 मध्ये 4 बदल करण्यात आले आहेत. वेगवान गोलंदाज जसप्रीत बुमराह याला वर्कलोड मॅनजमेंटनुसार विश्रांती देण्यात आली आहे. बुमराहच्या जागी प्रसिध कृष्णा याला संधी देण्यात आली आहे. प्रसिधचं यासह कमबॅक झालं. करुण नायर याचंही कमबॅक झालंय. ऋषभ पंत याच्या जागी ध्रुव जुरेल याचा समावेश करण्यात आला आहे. तर अंशुल कंबोज याला डच्चू देत आकाश दीपला संधी देण्यात आली आहे.
इंग्लंड टॉसचा बॉस
🚨 Toss and Team Update 🚨
England win the toss in the 5th Test and elect to field.
A look at #TeamIndia‘s Playing XI for the 5th and Final Test 👌👌
Updates ▶️ https://t.co/Tc2xpWNayE#ENGvIND pic.twitter.com/fxzEfXEzLA
— BCCI (@BCCI) July 31, 2025
पाचव्या कसोटीसाठी इंग्लंड प्लेइंग ईलेव्हन : झॅक क्रॉली, बेन डकेट, ओली पोप (कर्णधार), जो रूट, हॅरी ब्रूक, जेकब बेथेल, जेमी स्मिथ (विकेटकीपर), क्रिस वोक्स, गस एटकिन्सन, जेमी ओव्हरटन आणि जोश टंग.
टीम इंडिया प्लेइंग ईलेव्हन : यशस्वी जैस्वाल, केएल राहुल, साई सुदर्शन, शुबमन गिल (कर्णधार), करुण नायर, रवींद्र जडेजा, ध्रुव जुरेल (विकेटकीपर), वॉशिंग्टन सुंदर, आकाश दीप, प्रसिध कृष्णा आणि मोहम्मद सिराज.
