बॉलिवूड अभिनेत्री शिल्पा शेट्टी (Shilpa Shetty) हिचा पती आणि उद्योगपती राज कुंद्रा (Raj Kundra) यांना अश्लील चित्रपट बनवल्या प्रकरणी मुंबई गुन्हे शाखेने अटक केली आहे. त्याला मंगळवारी न्यायालयात हजर केले जाणार आहे. आता राज कुंद्राला रिमांडवर पाठवायचे की, जामीन द्यावा, हा निर्णय कोर्टावर आहे.
मुंबई पोलिसांच्या सूत्रांकडून मिळालेल्या माहितीनुसार, राज कुंद्राने या अश्लील चित्रपट बनवण्याच्या उद्योगात सुमारे 8 ते 10 कोटींची गुंतवणूक केली होती. ब्रिटनमध्ये राहणारे राज कुंद्रा आणि त्याचा भाऊ यांनी मिळून केनरीन नावाची कंपनी स्थापन केली. या व्हिडीओंचे शूटिंग भारतात करण्यात आले आणि त्यानंतर वी-ट्रान्सफर मार्गे यूकेला हस्तांतरित केले गेले.