Beed Video : कॅरेक्टर खराब करून टाकीन, शहाणपणा नको… पोलिसाने शेतकऱ्यालाच धमकावलं; नेमकं काय घडलं?
बीड जिल्ह्यात पवनचक्की कंपनीकडे नुकसान भरपाई (मावेजा) मागणाऱ्या शेतकऱ्याला पोलिसांनी धमकी दिल्याचा प्रकार घडला आहे. कंपनीने मावेजा न दिल्याने शेतकऱ्याने काम थांबवले होते. यामुळे संतप्त पोलिसांनी शेतकऱ्याला सातबारा दाखवण्यास सांगून ‘कॅरॅक्टर खराब करून टाकीन’ अशी धमकी दिली.
बीड जिल्ह्यातून एक गंभीर घटना समोर आली आहे. पवनचक्की कंपनीकडून नुकसान भरपाई (मावेजा) मिळावा अशी मागणी करणाऱ्या एका शेतकऱ्याला पोलिसांकडून धमकी देण्यात आल्याचा आरोप आहे. कंपनीने मावेजा दिला नसल्याने संबंधित शेतकऱ्याने काम थांबवले होते. याच कारणामुळे पोलिसांनी शेतकऱ्याला धमकी दिल्याचे व्हिडिओतून दिसून येत आहे.
घडलेल्या प्रकारादरम्यान, पोलिसांनी शेतकऱ्याला ‘सातबारा’ दाखवण्याची मागणी केली. पोलिसाने ‘UPSC ची मेन्स दिलीय, नीट बोला’ असे बोलून शेतकऱ्याला धमकावले आणि ‘कॅरॅक्टर खराब करून टाकीन’ अशी धमकी दिल्याचे समोर आले आहे. यावर शेतकऱ्याने ही जमीन स्वतःची असून ती एक एकर असल्याचे सांगितले. ‘आम्ही टॉवरपाशी काम करायला कुठं करणार आहोत?’ असा प्रश्नही त्याने पोलिसांना विचारला. संपूर्ण घटनेचा व्हिडिओ चित्रीत करत असताना, पोलिसांनी जास्त शांतपणाने व्हिडिओ न काढण्याची सूचना दिली. या घटनेमुळे स्थानिक पातळीवर चर्चा सुरू झाली आहे.
