Bhaskar Jadhav : निवडणूक आयोग भाजपाची शाखा बनली आहे – भास्कर जाधवांची टीका

शिवसेना (ठाकरे गट) नेते भास्कर जाधव यांनी एका विराट मोर्चाच्या पार्श्वभूमीवर निवडणूक आयोगावर गंभीर आरोप केले आहेत. निवडणूक आयोग ही स्वायत्त संस्था न राहता भाजपची एक शाखा बनली आहे, अशी टीका त्यांनी केली. केंद्रातील आणि राज्यातील सरकारच्या विरोधात जनतेमध्ये असलेला असंतोष, संताप आणि चीड या मोर्चातून स्पष्टपणे दिसून येत असल्याचे जाधव यांनी नमूद केले. प्रत्येक पातळीवर सरकार चोऱ्या करत आहे आणि या विरोधातच हा जनसंताप उसळला आहे. निवडणूक आयोगाला विचारल्या जाणाऱ्या प्रश्नांची उत्तरे मिळत नसल्याचे त्यांनी म्हटले.

उद्धव ठाकरे आणि राज ठाकरे या दोन्ही नेत्यांनी निवडणूक आयोगाच्या विरोधात एकजूट दाखवली असून, त्यांच्या या एकीचा फायदा संपूर्ण महाराष्ट्राला, पक्षांना आणि जनतेला होईल, असा विश्वास जाधव यांनी व्यक्त केला.