मुंबई : राज्याचे मुख्यमंत्री एकनाथ शिंदे यांनी येत्या काळातील आपला निर्धार बोलून दाखवला. tv9 मराठीच्या ‘महाराष्ट्राचा महासंकल्प’ 2023 कार्यक्रामत ते बोलत होते. “आमचं सरकार सत्तेत येऊन सहा-सात महिने झालेत. सहा-सात महिने हा कार्यकाळ फार कमी आहे. परंतू या कमी काळातदेखील आम्ही काय काम केलं ते आपल्यासमोर आहे. प्रामुख्याने इन्फ्रा प्रोजेक्ट राज्यामध्ये सुरू केले आहेत. बाळासाहेब ठाकरे नागपूर मुंबई समृद्धी महामार्ग आम्ही नागपूर ते शिर्डी सुरु केला. शिवाय उद्योग फ्रेंडली वातावरण तयार करण्याचा प्रयत्न आहे. भविष्यात राज्यात चांगले प्रकल्प यावेत यासाठी प्रयत्नशील आहोत”, असं एकनाथ शिंदे म्हणाले.