Ajit Pawar : … त्यांच्यावरच FIR, पार्थ पवारांवर गुन्हा का नाही? या प्रश्नावर अजितदादांचं थेट उत्तर
पार्थ पवार जमीन गैरव्यवहारातील सर्व व्यवहार रद्द करण्यात आले असून चौकशी समिती नेमण्यात आली आहे, अशी माहिती उपमुख्यमंत्री अजित पवार यांनी दिली. ज्यांनी व्यवहारावर सह्या केल्या, त्यांच्यावर गुन्हे दाखल झाले आहेत. पार्थ पवारांवर गुन्हा का नाही, या प्रश्नावर अजित पवार यांनी महसूल मंत्र्यांच्या माहितीचा संदर्भ दिला, ज्यात स्वाक्षरी करणाऱ्यांवरच एफआयआर नोंदवल्याचे म्हटले आहे.
पार्थ पवार यांच्याशी संबंधित जमीन गैरव्यवहार प्रकरणात उपमुख्यमंत्री अजित पवार यांनी महत्त्वपूर्ण माहिती दिली आहे. या प्रकरणात झालेला सर्व व्यवहार रद्द करण्यात आला असून, संबंधित कागदपत्रेही रद्द झाली आहेत. या गैरव्यवहाराची चौकशी करण्यासाठी एक समिती गठीत करण्यात आली असून, एक महिन्यात अहवाल सादर केला जाईल असे अजित पवार यांनी सांगितले.
पार्थ पवारांवर गुन्हा का नाही, या प्रश्नावर अजित पवार यांनी स्पष्टीकरण दिले. ते म्हणाले की, ज्यांनी या व्यवहारावर सह्या केल्या, त्यांच्यावर गुन्हे दाखल झाले आहेत. महसूल मंत्री चंद्रशेखर बावनकुळे यांनीही कार्यालयात येऊन सह्या करणाऱ्यांवर एफआयआर दाखल झाल्याचे सांगितले आहे. यात एकही पैशाचा व्यवहार झाला नसतानाही नोंदणी कशी झाली, याची सखोल चौकशी केली जाईल असे अजित पवार यांनी नमूद केले. ही जमीन सरकारी आणि महार वतनाची असल्याने तिचा व्यवहार होऊ शकत नाही, असेही त्यांनी स्पष्ट केले
