ते पहिल्यांदा बाहेर.. ! मुख्यमंत्र्यांची उद्धव ठाकरेंवर खोचक टीका
देवेंद्र फडणवीस यांनी आगामी नगरपालिका निवडणुका आणि महायुतीच्या तयारीवर भाष्य केले. यावेळी त्यांनी उद्धव ठाकरेंना उपरोधिक टोला लगावला, पहिल्यांदा उद्धवजी बाहेर पडले याचा आनंद आहे. ठाकरे फक्त टोमणे मारू शकतात असे सांगत, फडणवीसांनी त्यांना विकासावरील एक भाषण दाखवण्याचे आव्हान दिले.
उपमुख्यमंत्री देवेंद्र फडणवीस यांनी आगामी नगरपालिका निवडणुकांबद्दल विधान केले आहे. या निवडणुकांना महायुती सामोरे जाईल असे त्यांनी स्पष्ट केले. तसेच, महायुतीमधील तीनही पक्ष आपापल्या स्तरावर युतीबाबत निर्णय घेतील, परंतु तिघेही एकच राहतील, असे फडणवीस म्हणाले. युती झाली नाही तरी पोस्ट पोल युती होईल आणि महाराष्ट्राची जनता महायुतीलाच कौल देईल, असा विश्वास त्यांनी व्यक्त केला.
यावेळी फडणवीस यांनी शिवसेना (उद्धव बाळासाहेब ठाकरे) पक्षाचे प्रमुख उद्धव ठाकरे यांच्यावरही निशाणा साधला. “पहिल्यांदा उद्धवजी बाहेर पडले याचा मला आनंद आहे,” असा उपरोधिक टोला त्यांनी लगावला. उद्धव ठाकरे टोमणे मारण्यापलीकडे काहीच करू शकत नाहीत, अशी टीका फडणवीस यांनी केली. त्यांनी आव्हान दिले की, विकासावर केलेले ठाकरेंचे एक भाषण दाखवा आणि हजार रुपये मिळवा. निवडणुका पुढे ढकलणे हेच ठाकरेंना अपेक्षित आहे, मात्र सर्वोच्च न्यायालयाच्या आदेशामुळे निवडणुका पुढे ढकलल्या जाऊ शकत नाहीत, असेही फडणवीस यांनी नमूद केले.
