Harshwardhan Sapkal : मनसे-मविआची युती होणार? हर्षवर्धन सपकाळ स्पष्टच म्हणाले, त्यांना नोटीस पाठवणार.. नाशकात काय घडलं?
काँग्रेस प्रदेशाध्यक्ष हर्षवर्धन सपकाळ यांनी नाशिकमधील मनसे-महाविकास आघाडी बैठकीत पक्षाचा कोणताही प्रतिनिधी उपस्थित नसल्याचे स्पष्ट केले. उपस्थित प्रतिनिधीला नोटीस बजावण्यात आली असून खुलासा मागितला आहे. मनसेच्या युतीच्या प्रस्तावावर राष्ट्रीय स्तरावरील इंडिया आघाडी चर्चा करेल, असेही सपकाळ म्हणाले.
काँग्रेस प्रदेशाध्यक्ष हर्षवर्धन सपकाळ यांनी नाशिकमध्ये मनसे आणि महाविकास आघाडी यांच्यात झालेल्या कथित बैठकीसंदर्भात स्पष्टीकरण दिले आहे. पक्षाने या बैठकीसाठी कोणताही प्रतिनिधी पाठवला नसल्याचे हर्षवर्धन सपकाळ यांनी म्हटले आहे. सदर बैठकीला काँग्रेसचा प्रतिनिधी म्हणून गेलेल्या व्यक्तीला पक्षाकडून नोटीस बजावण्यात आली असून, त्यासंदर्भात खुलासा मागवण्यात आल्याची माहिती त्यांनी दिली.
काँग्रेसचा या बैठकीशी कोणताही संबंध नसल्याचे हर्षवर्धन सपकाळ यांनी ठामपणे सांगितले. मनसेकडून युतीचा प्रस्ताव आल्यास त्यावर राष्ट्रीय पातळीवर इंडिया आघाडीच्या सहयोगी पक्षांमध्ये चर्चा होऊन निर्णय घेतला जाईल, असेही त्यांनी स्पष्ट केले. हा निर्णय केवळ राष्ट्रीय स्तरावरच घेतला जाईल, असेही त्यांनी नमूद केले.
Published on: Nov 10, 2025 05:05 PM
