अण्णामलाईंच्या वक्तव्यानंतर लुंगी वाद पेटला

भाजप नेते अण्णामलाई यांनी मुंबई हे महाराष्ट्राचे शहर नाही असे वादग्रस्त विधान केल्यापासून महाराष्ट्राच्या राजकारणात लुंगीवरून नवा वाद निर्माण झाला आहे. नुकत्याच झालेल्या युतीच्या सभेत भाजपचे रवींद्र चव्हाण पायाला दुखापत झाल्यामुळे लुंगी नेसून उपस्थित होते. यावरून शिवसेनेचे नेते संजय राऊत यांनी चव्हाणांवर निशाणा साधत, “अण्णामलाईने दिलेली लुंगी घालून फिरताय का?” अशी टीका केली.

राऊत यांच्या टीकेला उत्तर देताना रवींद्र चव्हाण यांनी स्पष्ट केले की, गुडघ्याच्या व्याधीमुळे त्यांनी लुंगी परिधान केली होती आणि हा त्यांचा वैयक्तिक पेहराव होता. चव्हाणांनी राष्ट्र प्रथम, नंतर पक्ष, शेवटी स्वतः हे विचार आपल्यावर रुजल्याचे सांगितले. तसेच, टीकाकारांना त्यांच्या आरोग्याची काळजी घेण्याचा सल्ला दिला. त्यांनी आदित्य ठाकरे यांचा लुंगी घातलेला एक जुना फोटो ट्वीट करत, “काचेच्या घरात राहणाऱ्यांनी इतरांच्या घरावर दगडं फेकू नयेत,” असा टोला लगावला. हा लुंगी वाद सध्या मुंबईच्या राजकारणात चर्चेचा केंद्रबिंदू बनला आहे.