Jarange Lashes Out Pankaja Munde : इंग्रज तुमच्या घरात राहत होता का? जरांगेंचा निशाण्यावर पंकजा मुंडे

दसरा मेळाव्याच्या निमित्ताने महाराष्ट्राच्या राजकारणात सध्या आरोप-प्रत्यारोपांच्या फैरी झडत आहेत. याच दरम्यान मनोज जरांगे पाटील यांनी भाजप नेत्या पंकजा मुंडे यांच्यावर गंभीर हल्लाबोल केला आहे. पंकजा मुंडेंनी भगवान गडावर दसरा मेळावा घेतला होता, तर दुसऱ्या बाजूला मनोज जरांगे पाटील यांनी नारायणगडावर मेळावा घेत मुंडेंच्या वक्तव्याचा समाचार घेतला.

पंकजा मुंडेंनी “गुलामीचं गॅझेट लागू करणं कितपत योग्य आहे?” असे वक्तव्य केले होते. तसेच, “भारत स्वतंत्र होऊन लोकशाही स्वीकारल्यानंतरही देश गुलाम असताना आणलेल्या गॅझेटला स्वीकारणं कितपत योग्य आहे?” असा प्रश्न त्यांनी उपस्थित केला होता. याव्यतिरिक्त, “गॅझेटमधील नोंदी एका समाजासाठी मान्य करायच्या आणि दुसऱ्या समाजासाठी नाकारायच्या, हे योग्य नाही?” असेही त्या म्हणाल्या होत्या.

या वक्तव्यावरून मनोज जरांगे पाटील अत्यंत संतापले आहेत. त्यांनी मुंडेंना प्रत्युत्तर देताना विचारले की, “जर आपले लेकरं गुलाम समजत असाल, तर मराठ्यांनी तुमचा प्रचार का करावा?” त्यांनी मराठा समाजाला आपला स्वाभिमान जागा करण्याचे आवाहन करत, ज्याला ज्याला मराठ्यांच्या विरोधात उभे राहायचे आहे, त्याला पाडण्याची भाषा केली.