Amol Kolhe : इंडिगो विमानसेवेचा अमोल कोल्हे यांना फटका, संताप व्यक्त करत म्हणाले, यापुढे…

खासदार अमोल कोल्हे यांना इंडिगो विमानसेवेमुळे त्रास सहन करावा लागला. पुणे येथून मुंबईकडे जाणाऱ्या त्यांच्या इंडिगो विमानाला नियोजित वेळेपेक्षा दोन तास उशीर झाला. प्रतीक्षा केल्यानंतर, अखेर तीन तासांनी हे विमान रद्द करण्यात आले. या अनपेक्षित प्रकारामुळे खासदार अमोल कोल्हे यांनी आपली तीव्र नाराजी व्यक्त केली आहे. अमोल कोल्हे यांनी सोशल मीडियावर ट्वीट करत म्हटले की, “इंडिगोकडून ही अपेक्षा नव्हती, यापुढे इंडिगोचा प्रवास नकोच.” या घटनेमुळे प्रवाशांना होणाऱ्या त्रासावर त्यांनी प्रकाश टाकला आहे.

दरम्यान, काल दिल्ली विमानतळावर इंडिगोच्या दिल्ली ते पुणे प्रवास करणाऱ्या फ्लाईटमधील अडीचशेहून अधिक प्रवाशांना मोठ्या गैरसोयीचा सामना करावा लागला होता. हे प्रवासी चार तासांहून अधिक काळ विमानात अडकल्याची माहिती प्रवाशांकडून देण्यात आली होती. या प्रकारामुळे प्रवाशांमध्ये संतापाचे वातावरण आहे.