Rohit Arya Case : एन्काऊंटरपूर्वी रोहित आर्याच्या मनात नेमकं काय होतं सुरू? या प्रकरणी गुन्हे शाखेची नेमकी भूमिका काय?

रोहित आर्या प्रकरणाला आता नवीन वळण आले आहे. पोलिसांकडून रोहित आर्याची एन्काऊंटरपूर्वीची मानसिक स्थिती समजून घेण्याचा प्रयत्न केला जाणार आहे. मिळालेल्या माहितीनुसार, गुन्हे शाखा या तपासामध्ये तज्ञांची मदत घेणार आहे. आर्याच्या एन्काऊंटरमागील घटनाक्रम आणि त्याची मानसिक भूमिका काय होती, हे तपासणे महत्त्वाचे ठरणार आहे. यासाठी, रोहित आर्याच्या जवळच्या लोकांचे जबाब नोंदवले जातील. एन्काऊंटर होण्यापूर्वी रोहित आर्या कसा होता, त्याच्या मनात काय सुरू होते, त्याची मानसिक स्थिती स्थिर होती की अस्थिर, याबद्दलची माहिती गोळा केली जाईल.

जबाबातून जमा झालेली माहिती आणि तज्ञांचे विश्लेषण पोलिसांना या प्रकरणातील अनेक अनुत्तरित प्रश्नांची उत्तरे शोधण्यास मदत करेल, अशी अपेक्षा आहे. गुन्हे शाखेचा हा प्रयत्न घटनेच्या सखोल तपासासाठी आणि एन्काऊंटरचे संपूर्ण चित्र स्पष्ट करण्यासाठी महत्त्वाचा मानला जात आहे.