हार्बरवर आजपासून साडेचौदा तासांचा ब्लॉक; कधीपर्यंत असणार ब्लॉक

मुंबईतील रेल्वे प्रवाशांना महत्त्वाची माहिती. आज रात्री मुंबईच्या हार्बर आणि पश्चिम रेल्वेवर मेगा ब्लॉक असणार आहे. हार्बर रेल्वेवर वडाळा रोड ते मानकुर् या सेक्शनवर साडेचौदा तासांचा पॉवर ब्लॉक रात्री ११ वाजल्यापासून उद्या दुपारी १.३० पर्यंत राहील. या काळात पनवेल-मानखुर्द-पनवेल दरम्यान विशेष लोकल गाड्यांची व्यवस्था केली जाईल. पश्चिम रेल्वेवर बोरीवली ते गोरेगाव या दरम्यान रात्रीचा ब्लॉक असणार आहे. रविवारी दिवसभर पश्चिम रेल्वेवर कोणताही ब्लॉक राहणार नाही. या मेगा ब्लॉकमुळे प्रवाशांना असुविधा होऊ शकते, त्यामुळे त्यांनी आपल्या प्रवास आखणीत योग्य ते बदल करावेत असे आवाहन रेल्वे प्रशासनाने केले आहे.